LAWISHSHA 14:32 - Qullaawa Maxaafa

³² Bushuullu bunshensanni ubbanno; keeraano kayinni reyote yannara nafa irkidhannowa afidhanno.

LAWISHSHA 14:32 ပူးပေါင်းရင်းမြစ်များ

KALAQAMA 49:18

«Kaaliiqa'ya! Gatisaanchimmakki agadheemmo.

IYYOOBI 13:15

Kuneeti, Maganu hasi'riro shooe; ani kayinni isolla hexxeemmo; danduummo geeshsha isi ledo coyi'rameemmo.

IYYOOBI 18:18

Hee'nanni gobba xawaabbunnitenni fule ha'ranno; xawaabbu noowiinni tunsichu giddora shorramanno.

FAARSO 16:11

Heeshshote doogo leellishoottoena, ledokki hee'ra'ya hagiirrunni wonshitannoe; qiniitekkiinni hee'ra hegere hagiirre uyitannoe.

FAARSO 17:15

Ani kayinni ate albaanni keeraancho ikkoommohura, baqqi yee ate afeemmo woyite kassi yeemmo.

FAARSO 23:4

Reyo lawanno tunsichi giddoonni hige ha'rummoro nafa, ati ledo'ya nootto daafira diwaajjeemmo; siqqichokkinna wodambichikki sheshifachishshannoe.

FAARSO 37:37

Danchanna keeraancho mancho seekkite lai; gibbonna giwansho baxannokki manchi, sircho sa"anno.

FAARSO 58:9

Affukkinni utu gede muranto; Maganu jawaatu hanqisinni lubbotenni heedheennanni billaallisonsa.

FAARSO 73:24

Amaalekkinni massagoottoe; gedensaannino ayirrinyunni atewa gamba assittoe.

LAWISHSHA 11:5

Danchu manchira keeraanchimmasi doogo suwissannosi; bushu kayinni umisi cubbinni ba"anno.

LAWISHSHA 14:33

Egenno, wodanchanno manchi wodanira heedhanno; gowwootu wodani giddo kayinni darga diafidhanno.

LAWISHSHA 24:16

Keeraanchu 7 hige uwiro nafa ka"anno; bushu kayinni baote aana uwanno.

LAWISHSHA 5:22

Busha mancho assino cubbi amadannosi; umisi cubbi woshshaado ikkannosi.

LAWISHSHA 6:15

Kunninni kainohunni hedeweelcho bao daggannonsa; hurtannokki mada madidhanno.

LUQAASI 2:29

«Mooticha'ya, kuneeti oottoe hexxo wonshoottona, xaate ane borojjichokki keerunni geegiissie.

YOHAANNISI 8:21

Xaano Yesuusi, «Ani ha'reemmo; ki'ne ane hasidhinanni; qoltineno cubbi'nenni reyitinanni; ani ha'reemmowano daggine diaffinanni» yiinsa.

YOHAANNISI 8:24

Cubbi'nenni reyitinanni yoommohu kunniraati. Ane ewelumma affine ammana hoogginiro cubbi'nenni reyitinanni» yii.

ROOMU SOKKA 9:22

Maganu hanqosi leellisharanna wolqasi xawisara hasi're, baote qixxaawinohura hanqu uduunnira lowo geeshsha cincino.

LAYINKI QORONTOOSI 1:9

Wodaninkenni hendeemmo woyite, reyote yoo yinoonninkeha lawinonke. Kuni coyi ikkinohu, ninke wolqa ikkitukkinni reyitinore kayisannohu Magano ikkinota buunxeemmo gedeeti.

LAYINKI QORONTOOSI 5:8

Maalinkewiinni baxxine Mootichinke ledo hee'ra halchineemmo; kunnira hawaqi'ne hee'neemmo.

FILIPHISIYUSI SOKKA 1:21

Kunnira, ane heeshsho Kiristoosiraati; reyo'ya ane qiniiteeti.

FILIPHISIYUSI SOKKA 1:23

Lamente hedonni daddawamoommo; ha're Kiristoosi ledo hee'rammora quqquxameemmo; hatti roore woyyitannoe.

UMI TESELONQE 5:3

Mannu, «Keereho; qarru dino» yaanna, godowinni noo mancho amaddanno game gede, bao hedeweelcho daggannonsa; gatteno diaffanno.

LAYINKI XIMOOTEWOOSI 4:18

Mootichu bushu coyi baaluwiinni gatisannoe. Gordoho noo gashshootisiwano iillishannoe. Isira hegerenni hegere geeshsha ayirrinyu ikkosi! Hamii'ni.

YOHAANNIS AJUUJA 14:13

Gordunni, «Kune borreessi: Kunni ka'a Mootichunnire ikkite heedhe reyitannori baraadhinoreeti» yitanno huuro macciishshummo. Ayyaanu qole, «Ee! Daafuro fooliishshidhanno gede loosinsa hoode ha'rannonsa» yii.