LAWISHSHA 14:18 - Qullaawa Maxaafa

¹⁸ Hawanyu manchi gowwimma ragi'ranno; wodancha noosihu kayinni, egenno ba'lattote gede umoho wodhanno.

LAWISHSHA 14:18 ပူးပေါင်းရင်းမြစ်များ

LAWISHSHA 14:17

Rahe hanqannohu gowwa gede ikkanno; egennaamu kayinni cincanno.

LAWISHSHA 14:19

Bushuullu danchu manni albaanni guluphitanno; keeraanote nafara gombisante kaa'lo huuccidhanno.

LAWISHSHA 3:35

Egennaammu ayirrinye ragidhanno. Hawanyootu kayinni shollinye duu'nitanno» yii.

ERMIYAASI 16:19

Kaaliiqa, ati jawaante'yaatinna golo'yaati; ati qarru barra maaxameemmowaati. Gobba baalantenni gosa atewa shiqqe, «Akaakkankera kaphu maganna agurranna noonsari dino; misilla baalanti mittoreno dikaa'litannoreeti» yitanno.

ERMIYAASI 44:17

Ninke assineemmo yinoommore kayinni assineemmo; gordu mootitte yinannitera maganonkera xiniinsi'neemmo. Annuwanke, mootoollankenna gashshaanonke Yihudu katammaranna Yerusaalamete dooggara assitino garinni xaano woyinete xajje fushshaate shiqinsheemmose. Konne coye assinanni hee'ni waro lowo qiniiti noonke; jirono noonke daafira mitto qarrano diafi'noommo.

DAANIEELI 12:3

Hatte yannara egennaammu gordu xawaabbi gede xabbanno; lowo manna rosiisse halaalu widira qoltannori baalu hegerera gordu beeddahe gede warri yite xabbanno» yii.

LAYINKI XIMOOTEWOOSI 4:8

Xaate kunni ka'a, keeraanchimmate ba'latto agarte nooe; tenne ba'latto halaalaancho yoo yaanno Mootichi hakko barra aannoe. Aannohuno ane callaho ikkikkinni, isi daa baxxannorira baalahooti.

UMI PHEEXIROOSI 1:18

Annuwa'newiinni ragidhinoonnita haafu heeshsho heedhinanniwiinni wondoonni'nehu ba"anno birrinni woy ba"anno culkinni di"ikkino.

UMI PHEEXIROOSI 5:4

Konne coye agadhitiniro, Qaru Allaalaanchi daanno yannara ba'annokkita ayirrinyu ba'latto adhitinanni.