LAWISHSHA 14:16 - Qullaawa Maxaafa

¹⁶ Egennaamu manchi bunshe seekke qorophanno; hawanyu kayinni muddamanno; umosino diagadhanno.

LAWISHSHA 14:16 ပူးပေါင်းရင်းမြစ်များ

KALAQAMA 33:9

Eesawuno, «Rodoo'ya! Anera ikkitanno geeshshi saada nooena, atehu ateralla ikkohe» yii.

KALAQAMA 42:18

Sayikki barra Yooseefi, «Ani Magano waajjeemmohona, gattinanni gede ani yeemmo'neta asse.

UMI MOOTOOLLA 19:2

Iseno, «Ateno ga'a tenne yannara tenne himanaano assitto gede assa hoogummahero, aneno maganna shitoe» yite Eeliyaasira sokka sokku.

UMI MOOTOOLLA 20:18

Benihadaadino, «Olahono ikko araaraho dagginohano ikkiro, lubbotenni heedheennanni haadhine abbe» yii.

NEHIMIYA 5:15

Anera albaanni manna gashshara worroonnihu baalu, mannu aana lowo duha ikke barru baala sagaletenna agattote ikkannoha shoyilloo birra baatisiisino. Gashshaanote soqqamaano nafa manna gadadissino. Ani kayinni, Magano waajjeemmo daafira kunni duuchunku coyinni dikarsamoommo.

IYYOOBI 1:1

Uutsi yinanni gobbara mittu Iyyoobi yinanni manchi no. Iyyoobi bunshetewiinni fafe Magano waajjannohonna sao nookki keeraanchooti.

IYYOOBI 28:28

Maganu mannaho, «Kuneeti, Mooticha waajja egennote; bunshetewiinni fafano afate» yiino.

FAARSO 119:120

Ate waajjatenni kainohunni mannimma'ya huxidhino; yookkino lowo geeshsha waajjoommo.

FAARSO 34:14

Bunshetewiinni xooqi; danchumma assi; keere hasi'ri; hoodesino ha'ri.

LAWISHSHA 1:32

Egenno xe'ino manna afa hoogansa shitannonsa. Hawanyootano lashshi assansa huntannonsa.

LAWISHSHA 14:15

Gowwu manchi yinire baala adda assi'ranno; egennaamu kayinni layi'ranni qaafanno.

LAWISHSHA 14:17

Rahe hanqannohu gowwa gede ikkanno; egennaamu kayinni cincanno.

LAWISHSHA 16:17

Keeraanote doogo bunshetewiinni faffinote; doogosi agadhinohu lubbosi agadhinoho.

LAWISHSHA 16:6

Baxillunna ammanama cubbo agursiissanno; Kaaliiqa waajja cubbuwiinni agartanno.

LAWISHSHA 22:3

Egennaamu manchi bushare afiro maaxamanno; hawanyu kayinni e"e qarramanno.

LAWISHSHA 28:14

Wo'ma woyite Kaaliiqa waajjanno manchi ba'raa'rinoho; wodanasi kaajjishannohu kayinni bushawa uwanno.

LAWISHSHA 29:9

Egennaamu manchi gowwu ledo coye yoote shiqishi'riro, gowwu hanqanni oso'lanno; sammino diyaanno.

LAWISHSHA 3:7

‹Ani egennaamoho› yitooti. Kaaliiqa waajji; bunshetewiinnino xooqi.

LAWISHSHA 7:22

Gorrinara haa'ne ha'nanni bootinna, wodanasi maxxu qasannota afikkinni woshshaado eara qoqqobbisanno gaarraanchi gede, qoleno buubbe woshshaado e'anno ceicho gede, sammi yee hoodese ha'ri. Tenne giddoonni kayinni lubbosi ba'ara noota diafino.

ROSIISAANCHO 10:13

Gowwu coyi gowwimmatenni hanafame, busha makkallenni goofanno.

KIIRO 22:27

Harrichono Kaaliiqi sokkaasincho affe gadhe gibbu. Beleaami lowo geeshsha hanqe siqqichotenni ganise.

YOHAANNISI 9:40

Hatte yannara Yesuusi mule noo Farisooti yiino coye macciishshite, «Hatto yaatto woyite, ninkeno ballootaho yaateni?» yitu.

UMI TESELONQE 5:22

Bushu coyi baaluwiinni xeertidhe.