LAWISHSHA 14:14 - Qullaawa Maxaafa

¹⁴ Wodanasi bunshete widira qolannohu, loososi mixxanno; danchu manchino loosi'rinore adhanno.

LAWISHSHA 14:14 ပူးပေါင်းရင်းမြစ်များ

FAARSO 109:17

Rumo baxannoha ikkino daafira, iso maassi'rannosihu hee'roonke. Maassi'ra giwannoha ikkino daafira, isino rumaminoha ikko.

LAWISHSHA 12:14

Mannu afiisi danchummanni atoote afi'ranno; loosi'rino garinni malinosire adhanno.

LAWISHSHA 12:21

Keeraano mitiimma diamaddannonsa; bushuulleho kayinni qarru bati'rannonsa.

LAWISHSHA 14:10

Dadillenna hagiirre annu wodanilla affanno; wolu mittuno gutamannohu dihee'ranno.

LAWISHSHA 14:15

Gowwu manchi yinire baala adda assi'ranno; egennaamu kayinni layi'ranni qaafanno.

LAWISHSHA 18:20

Mannu arrawisi danchummanni godowa duuwanno; afiisinni coyi'rinore itanno.

LAWISHSHA 9:12

Egenno heedhuhero, umokki kaa'litannohe; egenno giwittoro umikki qarramatto.

ERMIYAASI 17:5

Kaaliiqi, «Ane agure manna irki'rannohunna, mannu wolqa hexxannohu rumaminoho.

ERMIYAASI 2:19

Umi'ne bunshe qorichishshanno'ne; anera badhe wodha'ne qoricha abbitanno'ne. Ane Magano'ne Kaaliiqa agura'nenna, anera uyitinanni ayirrinye ho'la'ne, mageeshshi geeshsha qaraaronna bunshe ikkitinoro affinanni. Konne coye coyi'roommohu ani Olantote Mootichi Kaaliiqaati» yii.

ERMIYAASI 8:5

Ki'ne manni'ya wo'manka woyite anewa higa gibbine, mayira faffinanniyya? Kaphunnita maganna'ne huntine, anewa mayira higa gibbinanni?

HIZIQEELI 22:31

Kunnira, hanqo'ya insa aana dirriseemmo; assitino bunshe baalantenni kainohunni, insa aari'ya giiranni huneemmo. Konne coye coyi'roommohu ani Mootichu Kaaliiqaati» yii.

HOOSEI 4:16

Israeelete manni aggawarra adde gede maahoyye giwino. Hatto ikkina, Maganu insa hiitto asse ge'reewu goodanni gede danchu qanchira hosiisansara dandaanno?

SOFFOONIYAASI 1:6

Anewiinni faffinore, ane hoode ha'ra agurtinorenna anewa dagge albiseemmonsa gede xa'midhannokkire huneemmo» yii.

YOHAANNISI 4:14

Ani eemmo waa agannohu kayinni hegere geeshsha digoo'ranno; ani eemmo waa agannohu, hegere heeshsho uyitanno buicho giddosinni fultannoha ikkanno» yii.

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

GALATIYU SOKKA 6:4

Mittu mittunku umisi looso fonqole lao! Assino coyi dancha ikkiro, isonoo wolu manni ledo taashsha agure, umisi ku'lannore afi'ranno.

GALATIYU SOKKA 6:8

Maalasi hagiirsiisate wixi'rannohu, maalisinni reyo mixxanno. Ayyaana hagiirsiisara wixi'rannohu kayinni, Ayyaanunni hegere heeshsho mixxanno.

IBIRAAWOOTA 3:12

Roduuwa'ya! Ki'ne mereero ayino heeshshote Maganiwiinni badannohu bushunna ammanannokki wodani hee'rannosikki gede qoropho.