LAWISHSHA 13:8 - Qullaawa Maxaafa

⁸ Mannu jirosinni lubbosi gatisi'rara wo'naalanno; buxicho kayinni hasiisannosihu dihee'ranno.

LAWISHSHA 13:8 ပူးပေါင်းရင်းမြစ်များ

LAYINKI MOOTOOLLA 24:14

Nabukadanatsoori Yerusaalamete manna baala, olu hajajaanonna mootete ledo gashshaano, mitteenni 10,000 manna qafade haa're ha'rino. Insa ledo angate ogimma afidhinorenna siwiila tuntannore baala haa're ha'ri; dargaho noori nookki buxane calla gattino.

LAYINKI MOOTOOLLA 25:12

Horo buxxinore kayinni hakkiicho dargaho agurino. Insa woyinete kaashsho shuquntanno gedenna baatto loossanno gede assino.

IYYOOBI 2:4

Sheexaanu qole, « ‹Manchoho umosi roorinori dino› yinoonninte gede, manchu noosire baala lubbosira yee aanno.

FULO 21:30

Shii'rino ayiddi guma itara hasi'rannoha ikkiro kayinni, yinoonnisi geeshsha oona.

LAWISHSHA 13:7

Mitu noosiri nookkiha afi'raamo lawanno; wolu kayinni lowo jiro heedheennasinni buxicho lawe hee'ranno.

LAWISHSHA 13:9

Keeraanote caabbichi warri yee xawanno; bushuullu caabbichi kayinni xoanno.

LAWISHSHA 14:24

Egennaammaho jiro ba'lattote gedeeti; gowwootu gumi kayinni gowwimmansaati.

LAWISHSHA 6:35

Murroonnisi murono adhara dihasi'ranno; aye geeshshi afanshino hanqosi diqiissanno.

ERMIYAASI 39:10

Mittoreno afidhinokki buxane calla Yihudaho agure ha're woyinenna shaana kaasidhanno darga uyinsa.

ERMIYAASI 41:8

Kunni manni giddonni 10 manni, «Loosu giddo qamade, hayixe, ejersu zayitenna malawo maanxoommona ballo shitootinke» yite Ismaeeli huuccidhu. Isino shiikkinni agurinsa.

SOFFOONIYAASI 3:12

Mereero'ne umosi heeshshi assinoha jooga manna gatiseemmo. Kuni mannino ane hexxannohanna kaa'lo'ya hasi'rannoha ikkanno.

MAATEWOOSI 16:26

Mannu gobba baalate jiro afi're lubbosi hu'niro, ma lexxanno? Woy kayinni lubbosi gatisi'rate maricho aanno?

LUQAASI 12:23

Sagaletenni lubbo roorete; uddanotenni mannimma roorete.