LAWISHSHA 13:6 - Qullaawa Maxaafa

⁶ Suwashsho mancho keeraanchimmasi agartannosi; busha kayinni cubbisi hunannosi.

LAWISHSHA 13:6 ပူးပေါင်းရင်းမြစ်များ

UMI MOOTOOLLA 1:52

Moote Selemoonino, «Adooniyaasi ammanaminoha ikkiro dananchisi nafa dikisamanno; aanasi bunshe anfiro kayinni reyanno» yii.

UMI MOOTOOLLA 13:34

Iyorbiaami gashshooti baattote aaninni co'o yee ba"anno gede assino cubbi konneeti.

LAYINKI DUDUWO 28:23

Akaazi, «Sooriyu mootoolla kaa'litinoti magannansa aneno kaa'litannoe gede kakka'leemmo» yee tenne magannara kakkalono shiqishino. Kuni coyino isiranna mannisira lowo bao abbino.

FAARSO 119:1

Suwashsho doogo hadhannorinna, Kaaliiqi seeri garinni heedhannori baraadhinoreeti.

FAARSO 140:11

Woloota beebbatenni gereertannorira qinoonkensa; mararro nookkire bushu coyi daneessonsa.

FAARSO 15:2

Hakko hee'rannohu, suwashsho doogo ha'rannoho; halaale loosannoho, wodanisinni halaale coyi'rannoho.

FAARSO 25:21

Ate hexxoommona, ammanamanna halaalaanchimma agartannoe gede assie.

FAARSO 26:1

Kaaliiqa ballo, wodani'ya keeraanchimma, ka'anna kawa yuummokkinni, ate addaxxoommota la'e halaale coyi'rie.

LAWISHSHA 10:29

Kaaliiqi keeraano agarannonsa; bunshe assitannore kayinni hunanno.

LAWISHSHA 11:20

Kaaliiqi busha hedo noonsare giwanno; halaalaancho doogo hadhannore kayinni baxanno.

LAWISHSHA 11:3

Suwadda sumbensa massaggannonsa; shokkadda kayinni yawaawullensa huntannonsa.

LAWISHSHA 21:12

Keeraanchu Magani, cubbaataamu mini giddo ikkannore seekke la"anno; bushuulleno ba'anno gede assanno.

LAWISHSHA 5:22

Busha mancho assino cubbi amadannosi; umisi cubbi woshshaado ikkannosi.