LAWISHSHA 13:16 - Qullaawa Maxaafa

¹⁶ Egennaamu manchi looso hayyotenni loosanno; gowwu kayinni gowwimmasi leellishanno.

LAWISHSHA 13:16 ပူးပေါင်းရင်းမြစ်များ

FAARSO 112:5

Calla liqiissannohuranna, baalanka coye taashshannohura, hakko manchira seekkannosi.

LAWISHSHA 14:33

Egenno, wodanchanno manchi wodanira heedhanno; gowwootu wodani giddo kayinni darga diafidhanno.

LAWISHSHA 15:2

Egennaamu arrawinni egenno fultanno; gowwu afiinni kayinni giwwimma burqitanno.

LAWISHSHA 18:2

Gowwu egenno afi'rate dibaxanno; umisi egenno calla kulara hasi'ranno.

LAWISHSHA 21:24

Boonaleessunna naaxxaleessu manna arrassanno; boollaqi'ranni isonoo leellishanno.

ROSIISAANCHO 10:13

Gowwu coyi gowwimmatenni hanafame, busha makkallenni goofanno.

ROSIISAANCHO 10:3

Gowwu ha'ranno doogga baala xeate; gowwimmasino mannaho leellishi'ranno.

ISAYAASI 52:13

Kaaliiqi, «Soqqamaanchi'yara assannori baalu qinaannosi; lowo ayirrinyeno afi'ranno.

MAATEWOOSI 10:16

Yesuusi, «Kuneeti ani ge'reewu gede hiyyeeyyete giddora soyemmo'ne. Kunni daafira hamashshu gede busuloota, lembooli gede joogaadda ikke.

ROOMU SOKKA 16:19

Danchu Duduwira hajajama'ne manna baalaho leeltinohura lowo geeshsha hagiidhoommo. Ikkollana danchu coyira busuloota bushu coyira dussoota ikke.

UMI QORONTOOSI 14:20

Roduuwa'ya, qaaqquullu gede heda agurre. Bushu coyira kayinni qaaqquullu gedeere ikke. Hedo'nenni jajjabbu gedeere ikke.

EFESOONI SOKKA 5:17

Mootichu hedo maatiro wodanche ikkinnina, gowwoota ikkitinoonte.

UMI SAAMUEELI 25:17

Xa kayinni mootichankenna minesi baala qarru amadaraatina, hanni malte mitto coye assi. Isi woyite wodana shota ikkino daafira coyi'nannire dimacciishshanno» yitu.

UMI SAAMUEELI 25:25

Mooticha'ya, hakkonne shotu wodaniha Naabaali la'ooti; isi su'misinte gede gowwaho. Ani soqqamaanchokki kayinni ati sootto manni dayita diafoomma.