LAWISHSHA 13:13 - Qullaawa Maxaafa

¹³ Kulloonni amaale mishannohu umosi hunanno; hajajo ayirrisannohu kayinni ba'raa'ra afi'ranno.

LAWISHSHA 13:13 ပူးပေါင်းရင်းမြစ်များ

LAYINKI DUDUWO 36:16

Israeelete manni kayinni soyino manna qacifatino; himanaano oso'lanni qaalesino lashshi asse agurino. Kunninni kainohunni gatte affannokkihu Kaaliiqihu lowo hanqi aanansa dirrino.

IZIRA 10:3

Xaano ate seejjonna Maganinke hajajo waajjanno manni gede, konne meento oosonsa ledo ha'risate Maganinke albaanni xaarro. Konne coye Maganu seeri yaanno gede assino.

FAARSO 115:13

Waajjitannosire, jajjabbano ikko shiimmaadda baalanka maassi'ranno.

FAARSO 119:165

Seerakki baxxannorira co'o yiino keeri noonsa; horontanni mittu coyino sarraaqansara didandaanno.

FAARSO 19:11

Seerikki ane soqqamaanchokki qorophisiisannoe; agadha'yannino lowo ba'raa'ra afi'reemmo.

FAARSO 19:12

So'rosi afannohu dinona, afa hoongetenni loosoommo cubbinni gatisie.

FULO 9:20

Feriooni ledo gashshaano giddonni mitu mitu Kaaliiqi coyi'rino coye waajjitino daafira, borojjensanna saadansa minira qo'litu.

LAWISHSHA 1:25

Amaale'ya baala mishshinoonni; seejjo'yano diadhitinoonni.

LAWISHSHA 13:12

Wo'mitukkinni keeshshitanno hexxo wodana daafursitanno; wo'mitino hexxo kayinni heeshshote haqqichooti.

LAWISHSHA 13:21

Qarru cubbaataammu hoode ha'ranno; keeraano kayinni dancha coye afidhanno.

LAWISHSHA 16:20

Kulloonnire macciishshannohu dancha coye afi'ranno; Kaaliiqa addaxxannohu ba'raa'rinoho.

LAWISHSHA 19:16

Kaaliiqi hajajo agadhannohu umosi agadhanno; kulloonnire mishannohu kayinni ba"anno.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ERMIYAASI 43:2

Hoshaiya beetti Azaariyaasi Qaareha beetti Yohanaaninna boonaleeyye baalu, «Coyikki kaphoho; Maganinke Kaaliiqi, ‹Gibitse hadhoonke› yee dikulinohe.

HIZIQEELI 20:13

Ikkollana, halallitte gobbara heedhenni ane gibbinoe; agadhanno baalira heeshsho uyitannota hajajo'yanna seera'ya huntino. Fooliishshote Barrano batteessitino; hakkiicho halallitte gobbarano hanqo'ya leellishe hunammonsara kaoommo.

HIZIQEELI 20:16

Togo yee xaaroommohuno, wodaninsa kaphu magannawa higino daafira, hajajo'ya diigge, seera'ya hunte Fooliishsho'ya Barrano batteessitinohuraati.

HIZIQEELI 20:24

Togo assoommohuno, hajajo'ya mishshinohura, seera'ya diigginohura, Fooliishshote Barra batteessitinohuranna akaakkansa magansidhinota kaphu maganna magansidhinohuraati.

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

KIIRO 15:31

Ani Kaaliiqi yoommore mishinohuranna hajajo'ya diiginohura hakku manchi horonta tae ho'lo. Cubbisino aanisinni diho'lanno» yiisi.

MAATEWOOSI 5:12

Gordu gashshootira lowo waaga afidhinanni daafira tashshi yoo'ne; hagiidhe. Ki'nera albiidi himanaanono hatto xiiwamanna qarra iillishshinonsa» yaanni rosiisa hanafi.

LUQAASI 16:31

«Abirihaamino, ‹Musenna himanaano yitannota macciishsha gibburo, mittu manchi reyotenni kaeenna nafa diammantanno› » yiisi.

LAYINKI YOHAANNISI 1:8

Ki'ne kayinni daafuri'neha wo'ma waaga afidhinanni gede ikkinnina, loosidhinoonnihu ba"anno'nekki gede qorophe.