LAWISHSHA 12:8 - Qullaawa Maxaafa

⁸ Mannu egennosinni galatamanno; wodana shokkashshu kayinni mishamanno.

LAWISHSHA 12:8 ပူးပေါင်းရင်းမြစ်များ

KALAQAMA 41:39

Feriooni Yooseefira, «Konne coye Maganu atera leellishinohena, ate gedeehu egennaamunna hayyichu manchi wolu dino.

FAARSO 132:18

Diinnasi saala uddidhanno gede asseemmo; isi gashshooti kayinni jironnihanna qawaaxxonniha ikkanno.

LAWISHSHA 1:26

Kunnira, qarru iillanno'ne yannara oso'leemma'ne; masillu amadanno'ne woyite,

LAWISHSHA 12:7

Bushu manni higannokki gede ikke ba"anno; keeraanote ilama kayinni hegerera heedhanno.

LAWISHSHA 12:9

Noori nookkiha afi'raamo lawe naaxxanno manchinni, umosi heeshshi asse loosi're hee'ranno manchi woyyate.

LAWISHSHA 29:27

Suwashshu manni shokkashsho manna dibaxanno; shokkashshu mannino suwashsho giwanno.

LAWISHSHA 3:35

Egennaammu ayirrinye ragidhanno. Hawanyootu kayinni shollinye duu'nitanno» yii.

LAWISHSHA 5:23

Seejjama giwasinni reyanno; lowo geeshsha gowwa ikkasinni kainohunni waamma eanno.

ROSIISAANCHO 8:1

Coye tira dandaannohu hayyichu gedeehu ayi no? Hayyo mannaho alba xawissanno; albu aaninni xirchono hooltanno.

ISAYAASI 19:14

Umiweelo mala maltanno gede assinohu Kaaliiqaati. Gibitse baalanka coye sodhe tufisi shalaqisheennasi uwara gatantaranno dimbaanchi gede ikkitanno.

DAANIEELI 12:2

Balaxe reyino manni giddonni haammatu kae lubbotenni hee'ranno; insa giddonni gamu hegere heeshsho afidhe hagiidhitanna, gama kayinni hegere saalinna gadadu amade shetisannonsa.

LUQAASI 16:8

Mootichuno konne ammanaminokki loosiisaancho egennosinni assinorira naadisi. Tenne gobba manni ilamansara xawaabbu manninni roore egennaammaho.

SOQQAMAASINETE LOOSO 12:23

Heeroodisi Maganoho ayirrinye aa hooginohura, hakkawoyintenni Mootichu sokkaasinchi ganeenna da'muule reyi.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

LAYINKI QORONTOOSI 10:18

Mancho naada dandiinannihu Maganu naadisirooti ikkinnina, isi isonoo naaxxeenna di"ikkanno.

UMI SAAMUEELI 13:13

Saamueelino, «Gowwimmate looso loosootto; Maganikki Kaaliiqi uyinohe hajajo diagadhootto. Agadhoottoha ikkoommero, gashshootikki Israeelete aana geedonniha ikkannohu baino.

UMI SAAMUEELI 16:18

Soqqamaanosi giddonni mittichu, «Bagana seekke ganannoha Beetelihemete manchi Isseyi beetto afoommo; isino bareedahonna bagadaanchoho; biifadohonna coye egenninoho; Kaaliiqino ledo noosiho» yee dawari.

UMI SAAMUEELI 18:30

Hakka waro, Filisxeemete olanto wo'manka woyite olaho fultanno. Wolootu olu hajajaano Saaoolitenni roore Daawiti qeelle afi're maccaha ikki.

UMI SAAMUEELI 2:30

« ‹Ani Israeelete Magani Kaaliiqi, minikkinna ilamakki hegerera soqqantannoe yee hexxoommo. Xa kayinni dihasi'reemmo'ne. Ani ayirrissannoere ayirriseemmo; mishshannoerino mishantanno.

UMI SAAMUEELI 25:17

Xa kayinni mootichankenna minesi baala qarru amadaraatina, hanni malte mitto coye assi. Isi woyite wodana shota ikkino daafira coyi'nannire dimacciishshanno» yitu.