LAWISHSHA 12:22 - Qullaawa Maxaafa

²² Kaaliiqi kapho coyidhannore giwanno; halaalaasine kayinni baxannonsa.

LAWISHSHA 12:22 ပူးပေါင်းရင်းမြစ်များ

UMI MOOTOOLLA 13:18

Geerchu qole, «Anino atente gede himanaanchoho. Kaaliiqi sokkaasinchi mini'yara masse sagalenna waa eemmohe gede kulinoe» yiisi. Yihudunni dayino himanaanchi geerchu doginosita diafino.

FAARSO 120:2

Kaaliiqa'ya ballo, kaphaasinetenna dogaasinetewiinni gatisie.

FAARSO 5:6

Kapho coyidhannore hunatto; mararro nookkirenna xagaraamma hashakkidhe giwatto.

LAWISHSHA 11:1

Kaaliiqi hanaaqu keenaasincho giwanno; taalo keenaasincho kayinni baxanno.

LAWISHSHA 11:20

Kaaliiqi busha hedo noonsare giwanno; halaalaancho doogo hadhannore kayinni baxanno.

LAWISHSHA 15:8

Kaaliiqi bushuullu kakkalo giwanno; keeraanote huuccatto kayinni tashshi assitannosi.

LAWISHSHA 17:7

Gowwu dancha coye coyi'reno dibiifanno; gashshaanchu kaphiro hakkiinni baasinoha ikkanno.

ISAYAASI 9:15

Umoho yinanniri geerrahonna roorrootansaati; farroho yinannirino kapho rosiissanno himanaanooti.

ERMIYAASI 9:24

Ku'la hasi'rihu, ane egennasi, bagamannokki baxilliha ikka'yanna, halaalenna taalo yoo yeemmohu, ani Kaaliiqa ikkoommota buuxasi ku'lo; ane hagiirsiisanno coyi konneeti» yii.

HIZIQEELI 13:19

Hoowu hayixiranna shiimu timira yitine manni'ya albaanni shollishshinoonnie. Reyannokkiha reyanno yitine, reyannoha direyanno yitinanni. Manni'yano yitinannire ammaneenna'ne, kunni garinni shaatenna gatisate wolqa afidhinoonni› yite kulinsa» yii.

HIZIQEELI 13:22

«Ani gawajjammora hedoommokkire dancha manna, kapho coyidhinanni hexxonsa mursiissinanni; bushu manni bunshensa agure lubbotenni hee'rannokki gede assitinanni.

YOHAANNIS AJUUJA 21:8

Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.

YOHAANNIS AJUUJA 22:15

Woshshu suudiri, bittannori, foortannori, manna shitannori, kaphu maganna magansidhannori, kapho baxxannorinna kaphu looso loossannori baalu katamaho gobbaanni gattanno.