LAWISHSHA 12:1 - Qullaawa Maxaafa

¹ Seejjo baxannohu egenno baxanno; seejjamannokkihu kayinni jallaagaho.

LAWISHSHA 12:1 ပူးပေါင်းရင်းမြစ်များ

FAARSO 119:27

Wogakki wodancheemmo gede kaa'lie; anino dhaggenniha loosokki marro hige hedeemmo.

FAARSO 141:5

Danchu manchi shaqqillunni qorichishaeranna seejjaera dandaanno; bushu manniwiinni ayirrinye nafa diadheemmo; wo'manka woyite busha loosonsa giwatenni huuccatto assi'reemmo.

FAARSO 32:9

Bixaallunninna lugaamunni foxxoorrikkinni, atewa shiqannokki farashshinna gaango gede, wodaniweelo ikkitooti» yaanno.

FAARSO 50:17

seejjeemmo'neta gibbinoonni; hajajo'yano mishshinoonni.

FAARSO 92:6

Bushuullu hayissote gede mudhurono, haxawarrootu latturono horonta ba'annore ikkitinota, hawanyu manchi diegennino; wodaniweeluno diwodanchanno.

LAWISHSHA 10:8

Egennaamu kulloonni amaale adhanno; haafare coyi'rannohu kayinni umosi hunanno.

LAWISHSHA 11:31

Keeraano loossinoha baattote aana heedhe mixxitannoha ikkiro, bushuullunna cubbaataammu loossino bunshera, mageeshshire mixxita ikka!

LAWISHSHA 12:2

Keeraano Kaaliiqi baxanno; bunshe heddannore kayinni qorichishanno.

LAWISHSHA 15:10

Halaalu doogonni wirri yaannoha qorichu agarannosi; seejjo giwannohuno reyanno.

LAWISHSHA 18:1

Baxxara hasi'rannohu umosi calla baxanno; halaalaancho coye baala giwanno.

LAWISHSHA 30:2

Mannimmatewiinni fule saadate gedeeha ikkoommo; mannaho noo wodanano diafi'roommo.

LAWISHSHA 8:17

Ani baxxannoere baxeemma; hasidhannoeri afidhannoe.

LAWISHSHA 8:32

«Xa ki'ne ooso'ya, macciishshe"e; seejjo'ya macciishshitannori baraadhinoreeti.

LAWISHSHA 8:36

Ane hooginohu umosi gawajjanno; ane giwannohuno reyo baxanno» yitanno.

ISAYAASI 1:3

Handu nafa ceinoha annasi afino; harrichuno maddarannosiha egennino. Israeelete kayinni hattenne diegennino; manni'ya wodancha diafi'rino» yii.

LEEWAAWOOTA 13:10

Qeesichu laeenna, danancho waajjo assitannoti waajjo mada bisisi aana heedhuronna maliituro,

LAYINKI TESELONQE 2:10

Ba'annore so'risiisannohu, addi addi bunshe assatenniiti. Kuni manni ba"annohu, gatote iillishanno halaale baxe adha giwino daafiraati.