LAWISHSHA 11:5 - Qullaawa Maxaafa

⁵ Danchu manchira keeraanchimmasi doogo suwissannosi; bushu kayinni umisi cubbinni ba"anno.

LAWISHSHA 11:5 ပူးပေါင်းရင်းမြစ်များ

LAYINKI SAAMUEELI 17:23

Akixoofeeli malisi adhaminokkita afiti, harrichosi koodhe kae katama minisira ha'ri. Mine biddi assi'rihu gedensaanni angasinni qalxi're reenna, annisi waammara madaarrisi.

IYYOOBI 18:7

Albi gede halashshe qaafe diafanno; busha hedosi sarraaqqe tuggannosi.

LAWISHSHA 1:18

Hatto assitannori kayinni, shitannonsa woshshaado uminsara wodhitanno.

LAWISHSHA 11:3

Suwadda sumbensa massaggannonsa; shokkadda kayinni yawaawullensa huntannonsa.

LAWISHSHA 12:3

Bunshe loosanno manchi dese'e yee hee're diafanno; keeraanchu kayinni noowa teese hee'ranno.

LAWISHSHA 13:6

Suwashsho mancho keeraanchimmasi agartannosi; busha kayinni cubbisi hunannosi.

LAWISHSHA 14:32

Bushuullu bunshensanni ubbanno; keeraano kayinni reyote yannara nafa irkidhannowa afidhanno.

LAWISHSHA 15:19

Cee'maleessu doogo utunni huxxinoonnite; qinaadu doogo kayinni xalalate.

LAWISHSHA 21:29

Bushu manchi assinore morome higa giwanno; halaalaanchu kayinni baalanka coye wodaninni assanno.

LAWISHSHA 28:18

Sumbetenni hee'rannohu gatanno; shokkado doogo ha'rannohu kayinni balete uwanno.

LAWISHSHA 3:6

Assattorira baalaho Magano albaanni qo'li; isino halaalaancho doogo kulannohe.

LAWISHSHA 5:22

Busha mancho assino cubbi amadannosi; umisi cubbi woshshaado ikkannosi.

ISAYAASI 26:7

Keeraanote doogo suwashshote; ati suwashshu Magani doogonsa taashshatto.

HOOSEI 5:5

Israeelete mannira uminsa adawarshi naqqasannonsa. Cubbinsano guficho ikke tugannonsa; Yihudu mannino insa ledo gufi're uwanno.

EJJEETTO 20:41

Hakkunni gedensaanni, Israeelootu marro higge gawajjitinonsa; hatte yannara Biiniyaamootu goofo iillitinonsata affe massu.