LAWISHSHA 11:28 - Qullaawa Maxaafa

²⁸ Durummasi addaxxanno manchi darote gede giggilanno; keeraanchu kayinni danchu kaashshi gede latanno.

LAWISHSHA 11:28 ပူးပေါင်းရင်းမြစ်များ

FAARSO 1:3

Isino lolahanno wayi gama kaasante, gumaseno yanna yannantenni uyitanni, darchiseno giggilikkinni heedhanno haqqicho gedeeha ikkanno; assi'rannori baalu qinaannosi.

FAARSO 49:6

Jironsa hexxitannore, durummansa batinyinni adawadhitannoreno diwaajjeemmo.

FAARSO 62:10

Wolqisa'nenni adawadhitinoonte; saantine duubbinara heddinoonte; jiro afidhiniro nafa, ise addaxxitinoonte.

LAWISHSHA 10:15

Dureeyye jironsa, qiishote gede ikkite agartannonsa; buxane kayinni buximansa huntannonsa.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ERMIYAASI 17:8

Isi wayi gama kaanseenna, rumushsho wayi widira diriirsidhino haqqicho gedeeho. Tini haqqicho wo'manka woyite latte heedhanno daafira, arrishshu yannarano diyaaddanno; xeenu nookki yannarano ruxxi yitukkinni laaltanno.

LUQAASI 12:20

Maganu kayinni, ‹Koo hawanya, kunni hashshinni lubbokki atewiinni haa'nanni. Tini gamba assi'rootto jiro ayera ikkitanno?› yiisi.

UMI XIMOOTEWOOSI 6:17

Tenne gobba dureeyye naaxxa woy hawaqi'nannikki coye hexxa agurte, ninke hagiirsiisate yee baalanka coye halashshe aannonke Magano hexxitanno gede hajajinsa.