LAWISHSHA 11:10 - Qullaawa Maxaafa

¹⁰ Keeraanote qinaannonsa yannara katamu hagiidhanno; bushuullu reyitanno woyite ililleette ikkanno.

LAWISHSHA 11:10 ပူးပေါင်းရင်းမြစ်များ

LAYINKI MOOTOOLLA 11:20

Ataaliya mootete mine shinihu gedensaanni mannu baalu hagiidhi; katamuno harshammi yii.

LAYINKI DUDUWO 23:13

Dagganno woyite mootoollate assinanni seeri garinni moote Iyoaasi Qullaawu Mini waalchira noo mokkollichi mule olu hajajaanonna xurumba ufuuffannori dukkisseenna uurre nooha affu. Hatte yannara mannuno hagiidhe ilillisanni no; xurumba ufuuffannorino ufuuffanni no. Faarsaanono hagiidhite muuziiqu uduunninni iibbishshe albissanni no. Ataaliyano hanqite imaanase darte, «Tini ganote! Tini ganote!» yite cancitu.

LAYINKI DUDUWO 23:21

Ataaliya shinoonni daafira, katamuno keere ikkeenna mannu baalunku lowo geeshsha hagiidhi.

IYYOOBI 27:23

Bubbe mannu gede anga gantanni haariintannosi; fiiqattotenni noowiinni wigidiidde tuggannosi» yii.

FULO 15:21

Maariyaamino faarsitanni, «Faradonna faradaasine baaru giddo hune, qeelle haraqi'rinona Kaaliiqira faarse» yitu.

LAWISHSHA 11:11

Halaalaanchu maassamanni katamu lophanno; bushuullu arrawi kayinni bao abbanno.

LAWISHSHA 28:12

Keeraano qeeltanno yannara, lowo geeshsha hagiidhinanni. Bushuullu roorre afidhanno yannara, kayinni mannu maaxamanno.

LAWISHSHA 28:28

Bushuullu gashshoote amaddanno yannara, mannu maaxamanno. Insa ba'anno yannara kayinni, keeraano hala'litanno.

LAWISHSHA 29:2

Keeraano gashshitanno yannara, mannu hagiidhanno; bushuullu gashshitanno yannara kayinni, mannu dadillanno.

ERMIYAASI 51:48

Baabilooni aliyyenni daanno diini angara eanno waro, gordunna baatto, qoleno aanansa noori ilillisanno.

EJJEETTO 5:31

Kaaliiqa, baarigaarrakki baala togo ikkite ba'o; ate baxxannori kayinni, soodo arrishsho gede xabbo. Hakkunni gedensaanni, baatto 40 diri geeshsha keere afidhu.