LAWISHSHA 10:8 - Qullaawa Maxaafa

⁸ Egennaamu kulloonni amaale adhanno; haafare coyi'rannohu kayinni umosi hunanno.

LAWISHSHA 10:8 ပူးပေါင်းရင်းမြစ်များ

FAARSO 119:34

Ayirriseemmo gedenna, wo'mu wodani'yanni agadheemmo gede seerakki xawisie.

LAWISHSHA 1:5

Tini lawishshuwa egennaamu egenno lexxanno gede, busuluno lede huwanyoote afi'ranno gede assitanno.

LAWISHSHA 10:10

Halaale mogannohu qarra kalaqanno; xawoho coyi'rannohu kayinni keere abbanno.

LAWISHSHA 10:14

Egennaammu egenno duu'nitanno; gowwootu afii kayinni bao abbanno.

LAWISHSHA 12:1

Seejjo baxannohu egenno baxanno; seejjamannokkihu kayinni jallaagaho.

LAWISHSHA 12:13

Busha mancho coyi'rino coyi amadannosi; keeraanchu manchi kayinni qarrunni gatanno.

LAWISHSHA 13:3

Arrawosi eemadhannohu lubbosi agadhanno; afi gede coyi'rannohu kayinni ba"anno.

LAWISHSHA 14:23

Diinaggaambe loosi'ra qiniite uyitanno; mullichu hasaawi kayinni buxima abbanno.

LAWISHSHA 14:8

Egennaamoho egennosi doogo kultannosi; hawanya kayinni hambesi huntannosi.

LAWISHSHA 9:8

Boonaleessa mancho rufittoro giwannohe; egennaamu seejjittosiro baxannohe.

LAWISHSHA 9:9

Egennaamo rosiisittoro, egenno lexxanno; keeraancho mancho rosiisittoro, lede wodanchanno.

ROSIISAANCHO 10:12

Egennaamu manchi afiisinni fulanno coyinni, ayirrinye afi'ranno. Gowwa kayinni, afiisinni fulanno coyi hunannosi.

YAIQOOBI 3:13

Ki'ne giddo hayyichunna egennaamu ayeti? Hayyotenninna joongillunni loosinoha dancha looso heeshshosinni leellisho.