LAWISHSHA 10:20 - Qullaawa Maxaafa

²⁰ Keeraanchu manchi coyi, daashshinoonni birri gedeeho; bushu manchi hedo kayinni mulla haafaho.

LAWISHSHA 10:20 ပူးပေါင်းရင်းမြစ်များ

KALAQAMA 6:5

Kaaliiqi mannu bunshe baattote aana batidhinota, wodaninsa hedonna yortonsa duuchanka woyite horonta busha ikkitinota afi.

KALAQAMA 8:21

Kaaliiqi shilqonniha dancha foole su'niissi'ri; wodanisinnino, «Manchu wodani hedo anjesinni kayisse bushate; ikkirono isinni kainohunni baatto dirumeemmo; xa assummo gede lubbo nooha baala layinkimeeshsho dihuneemmo.

FAARSO 37:30

Keeraanchu afii hayyo rosiisanno; arrawisino taalo coyi'ranno.

LAWISHSHA 12:18

Dayi gede coyi'nanni coyi manna urdete gede qasanno; egennaamu arrawi kayinni hursanno.

LAWISHSHA 15:4

Shaqqadu arrawi hursanno; xagaraamu arrawi kayinni wodana hiiqqanno.

LAWISHSHA 16:13

Halaale coyi'ranno arrawi moote hagiirsiisanno; mooteno taalo coyi'ranno mancho baxanno.

LAWISHSHA 20:15

Hayyo coyi'ranno arrawi, culkunninna duumu dilqinni roore ayirradoho.

LAWISHSHA 23:7

Wodanisinni sagale fushshitannore calla hedanni, goowi alita iti agi yaannohe.

LAWISHSHA 8:19

Ani eemma'neri, filu culkinninna daashshinoonni birrinni rooranno.

ERMIYAASI 17:9

Mannu wodani baalunkurinni roore xagaraamoho; diinofayyannoho; giddosireno afannohu dino.