LAWISHSHA 1:32 - Qullaawa Maxaafa

³² Egenno xe'ino manna afa hoogansa shitannonsa. Hawanyootano lashshi assansa huntannonsa.

LAWISHSHA 1:32 ပူးပေါင်းရင်းမြစ်များ

FAARSO 69:22

Hurbaatinsa bagado ikkonsa; kakkalote sagale huntannota ikkitonsa.

LAWISHSHA 1:22

Iseno, «Ki'ne egenno xe'ino'neri, hambe'nenni heedhinannihu mamooti geeshshaati? Egennote aana haariintinannihu mamooti geeshshaati? Egenno gibbinannihuno mamooti geeshshaati?

LAWISHSHA 10:21

Keeraanchu manchi arrawi lowo manna dhaawanno; gowwootu kayinni wodancha hoogansanni reyitanno.

LAWISHSHA 14:16

Egennaamu manchi bunshe seekke qorophanno; hawanyu kayinni muddamanno; umosino diagadhanno.

LAWISHSHA 2:18

Ise ledo minisera ha'ra, reyote doogo amadate; doogoseno jeennaate haadhe hadhannote.

LAWISHSHA 5:22

Busha mancho assino cubbi amadannosi; umisi cubbi woshshaado ikkannosi.

LAWISHSHA 8:36

Ane hooginohu umosi gawajjanno; ane giwannohuno reyo baxanno» yitanno.

LAWISHSHA 8:5

Ki'ne wodana shotu manni hayyo rosse; ki'ne hawanyootu egennaamma ikkate jawaatte.

LAWISHSHA 9:18

Hawanyu kayinni minisera marannohu baalu reyannotanna, jeennaate dirrannota diafino.

ISAYAASI 66:4

Ani woshshummo yannara yee yaa gibbe, coyi'rummo woyiteno macciishsha gibbe, busha coye assa doodhitino daafira, waajjishannoha busha coye aanansa dirriseemmo» yii.

ERMIYAASI 2:19

Umi'ne bunshe qorichishshanno'ne; anera badhe wodha'ne qoricha abbitanno'ne. Ane Magano'ne Kaaliiqa agura'nenna, anera uyitinanni ayirrinye ho'la'ne, mageeshshi geeshsha qaraaronna bunshe ikkitinoro affinanni. Konne coye coyi'roommohu ani Olantote Mootichi Kaaliiqaati» yii.

AMOOTSI 6:1

Israeelete manni ayirrisanno'nerinna huucci'ranno'neri, Tsiyooni qawaaxxaamminna, Samaariyaho waajjitinikkinni heedhinanniri, egennantinoonni gashshaano, ki'nera aanne'e!

YOHAANNISI 3:36

Beettosi amma'ninohura hegere heeshsho noosi. Beettosi amma'ninokkihura kayinni, Maganu hanqi aanasi hee'ranno ikkinnina heeshsho diafi'ranno» yii.

MARRO 28:17

«Qaldu gidinna qinshanni sagale diatoottanno'ne.

IBIRAAWOOTA 12:25

Coyi'rannohura gara gibbinannikki gede qorophe. Uullate aana coyi'reenna gibbinori gattinokkiha ikkiro, gordoho hee're coyi'rannohura badhe wodhine hiitto ikkine ganteemmo?

IBIRAAWOOTA 12:8

Ilate gede qoricha adhannokkihu, baanaho ikkinnina ila di"ikkino.

YAIQOOBI 5:5

Qawaaxxaamenna hagiirraame heeshsho heedhinanni, gorrinara qixxeessinoonni saada gede du'mitinoonni.