LAWISHSHA 1:28 - Qullaawa Maxaafa

²⁸ Hatte yannara, woshshidhinannie. Ani kayinni yee diyeemma'ne; diinaggaabbine hasidhinannie; ikkeennano diafidhinannie.

LAWISHSHA 1:28 ပူးပေါင်းရင်းမြစ်များ

KALAQAMA 6:3

Kaaliiqi, «Ayyaani'ya mannu aana hegerera dihee'ranno; isi mannahona, dirisi 120 ikkanno» yii.

IYYOOBI 27:9

Halaalinta qarru daannosi yannara, Maganu huuccattosi macciishshannoni?

IYYOOBI 35:12

Boonaleeyyenna bushuulle ikkitinohura, Maganu raarensa dihidhanno.

FAARSO 18:41

Raartanno; kaa'lannonsaha kayinni diafidhanno; Kaaliiqiwa higge raartanno; isi kayinni didawarannonsa.

FAARSO 18:42

Bubbe kayissanno buko gede maniisseemmonsa; gudumaalu sabbi gede kakkadeemmonsa.

FAARSO 66:18

Wodani'yara cubbo maaxi'roommoha ikkoommero, Mootichu dimacciishshannoe.

LAWISHSHA 15:29

Kaaliiqi bushuulluwiinni fafe no; keeraanote huuccatto kayinni macciishshanno.

LAWISHSHA 8:17

Ani baxxannoere baxeemma; hasidhannoeri afidhannoe.

FAARSO ROORE FAARSO 5:6

Baxillaanchi'yara cufana fanoommasi; isi kayinni ha're kaino. Huurosi macciishshate lowo geeshsha quqquxamoomma; diinaggaawe hasi'roommasi; afi'rammasira kayinni didandoomma. Woshshi'roommasi; isi kayinni yee diyiinoe.

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ERMIYAASI 11:11

Kunnira, kune ani Kaaliiqi aanansa bao abbeemmo; baotewiinnino gatte diaffanno. Kaa'lote woshshidhuero nafa dimacciishsheemmonsa.

ERMIYAASI 14:12

Qatunte huuccidheenna nafa dimacciishsheemmonsa. Shilqote kakkalonna gidu fushshaate uyiteennaeno diadheemmo; roorenka insa olunni, hudetenninna dhibbunni gudeemmo» yiie.

HIZIQEELI 8:18

Addinta insa aana hanqo'ya dirriseemmo; horonta dimarareemmonsa. Digatiseemmonsa; raarte huuccidheenna nafa horonta dimacciishsheemmonsa» yiie.

HOOSEI 5:15

«Loossino sao egente anewa higga geeshsha insawiinni horonta fafe ha'reemmo. Assitino saonni qarru bati'rinsaro, miteekkite hasidhannoeha ikkanno» yii.

HOOSEI 5:6

Kaaliiqira kakkaltara ge'reewonna lalo gante massitanno. Kayinnilla Kaaliiqi insawiinni baxxino daafira diafidhannosi.

AMOOTSI 8:12

Mannu aliyyenni wodiidi geeshsha, soojjaatinni galchimi geeshsha, baattotenna baaru aana raataawanno; Kaaliiqi qaale afi'rate ka'a kawa dodamanno; ikkollana diafi'ranno.

MIKIYAASI 3:4

Ki'neno qarrantine Kaaliiqiwa higgine raartinanni yanna dagganno. Isi kayinni didawaranno'ne. Busha looso loossinoonni daafira huuccatto'ne dimacciishshanno.

ZAKKAARIYAASI 7:13

Ani coyi'reenna, macciishsha gibbunte gede, anino huuccidheenna dimacciishsheemmonsa.

MARRO 1:45

Ki'neno galagaltine daggine Kaaliiqi albaanni wi'litinoonni. Kaaliiqi kayinni wi'la'ne qaale dimacciishshino; maccasino ki'ne widira diqolino.

YAIQOOBI 4:3

Huuccidhine afidhinannikkihuno, maalu hagiirrira yitine busha hedonni huuccidhinannihuraati.

UMI SAAMUEELI 8:18

Hakko barri iillanno woyite, baxxine doodhitinoonni moote assanno'ne beebbanni kainohunni raartinanni. Kaaliiqi kayinni hakka waro dimacciishshanno'ne» yiinsa.