LAWISHSHA 1:23 - Qullaawa Maxaafa

²³ Seejjo'ya macciishshe; dancha amaale'ya fane agureemma'ne; egenno'yano beeheemma'nena.

LAWISHSHA 1:23 ပူးပေါင်းရင်းမြစ်များ

FAARSO 145:1

Magano'yanna moote'ya, lowimmakki duduweemmo; hegerera galateemmohe.

LAWISHSHA 1:25

Amaale'ya baala mishshinoonni; seejjo'yano diadhitinoonni.

LAWISHSHA 1:30

Amaale'ya dihasidhinoonni; seejjo'yano mishshinoonni.

LAWISHSHA 10:17

Seejjo adhannohu heeshsho afi'ranno; seejjamannokkihu kayinni so'rote uwanno.

LAWISHSHA 12:1

Seejjo baxannohu egenno baxanno; seejjamannokkihu kayinni jallaagaho.

LAWISHSHA 29:1

Batinye hinge seejjineenna, mokkookke higa giwannohu, hurannokki gede ikke hedeweelcho hiiqqamanno.

LAWISHSHA 6:23

Hajajonsa caabbichoho; rosiishshinsano xawaabbaho; seejjonsano hee'ratto gara kultannohe.

ISAYAASI 32:15

Kaaliiqi Ayyaanasi ninke aana dunanno yannara, moola baatto shaqqado ikkitanno; iseno lowo jajja fushshitanno.

ISAYAASI 45:8

Ki'ne gorduwa, keeraanchimma xeenu gede iiminni dirrisse! Gomichuno kikkiifona. Baattono fa'nanto; gatonna keeraanchimma lophito. Konne baala asseemmohu ani Kaaliiqaati» yii.

ERMIYAASI 3:14

Ki'ne hexxinannikki manni, ani Mooticha'neetina ane Kaaliiqiwa higge! Ani ki'ne mereerinni, mittu mittu katami giddonni, mitte mittente maate giddonni lame lame doodhe, Tsiyooni Ilaaliwa haa're masseemmo.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

IYUEELI 2:27

Israeele, ani mereero'ne noommota, ani callu Magano'ne ikkoommotanna, ane ka'a wolu Magani nookkita, hatte yannara affinanni. Manna'ya kunni ka'a saalu diamadannonsa.

IYUEELI 2:28

«Kunni gedensaanni Ayyaana'ya, mannu baalunku aana duneemmo. Ooso'ne labballunna seennu himana coyidhanno. Geerri'neno haaqee haaqii'ranno. Aju manni'neno ajuuja afanno.

IYUEELI 3:1

«Hatte yannara, Yihudunnitanna Yerusaalamete qafado qoleemmo.

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

LUQAASI 11:13

Ki'ne bushuulle ikkitine heedhinenni ooso'nera dancha coye aa egentinoonniha ikkiro, gordoho noohu Anni'ne huuccidhannosirira hakkiinni roorse Qullaawa Ayyaana hiitto aa hooganno?» yiinsa.

YOHAANNISI 7:39

Yesuusi konne coye coyi'rinohu iso ammantinori adhitannohu Qullaawu Ayyaani daafiraati. Yesuusi hatte yannara ayirrinyunniwa einokki daafira, Qullaawu Ayyaani ammanaasinenniwa didayino.

SOQQAMAASINETE LOOSO 26:20

Kunnira, umo asse Demaasiqote noo manna qoleno Yerusaalametenna Yihudu gobbara noorenna daga aagintaabbe Maganunniwa higganno gede rosiisoommo. Aagintaawansa leellishanno coyeno assitanno gede rosiisoommonsa.

SOQQAMAASINETE LOOSO 3:19

Kunnira, cubbi'ne aguramanno'ne gede aagintaabbine Maganunniwa higge.