KIIRO 9:14 - Qullaawa Maxaafa

¹⁴ « ‹Giddo'ne hee'rannohu manni gobba manchi Mararrote Ayyaana ayirrisara hasi'riro, kulloonni seeri garinni ayirrisona. Gobbate beettono ikko manni gobba manchi mittu garinni ayirrissona› yite kulinsa» yii.

KIIRO 9:14 ပူးပေါင်းရင်းမြစ်များ

IZIRA 6:21

Kakkalono, qafadotenni higgino Israeelootinna Israeelete Magano Kaaliiqa magansi'rate hakko heedhanno daga battewiinni baxxitinori ledo mitteenni ittu.

FULO 12:43

Kaaliiqi Musenna Aarooni, «Mararrote Ayyaana ayirrinsanni gari togooti: Mittuno wole gobba manchi Mararrote Ayyaani sagale itoonke;

FULO 12:47

Israeelete songo baala konne ayyaana ayirrisso.

LEEWAAWOOTA 19:10

Woyinete xaro xinqidhinoonte; giggilinohano xinqidhinoonte; buxanetenna wole gobba mannira agurrensa. Ani Kaaliiqi Magano'neeti.

LEEWAAWOOTA 22:25

Hattoo saada wole gobba manniwiinni haadhine ane Magani'nera kakkalo assitine shiqishshinoonte. Muso afi'rinore ani diadheemmo› yiino yite kulinsa» yii.

LEEWAAWOOTA 24:22

Ki'ne ledo hee'rannohura manni gobba manniranna ki'ne Israeelootaho mittu gari seeri heero'ne. Ani Kaaliiqi Magano'neeti› yiino yite kulinsa» yiisi.

LEEWAAWOOTA 25:15

Waaga wolaphote ayyaanira gedensaanni noo diri batinyi garinni hendona.

KIIRO 15:15

Ki'nerano giddo'ne hee'ranno mannirano mittu gari wodho heedho'ne. Tini wogano dagganno ilama geeshsha soorrantoonke. Ki'neno manni gobba mannino ane Kaaliiqira taaloho.

KIIRO 15:16

Ki'neranna insara kuni seerinna tini woga taaloho› yiino'ne» yiinsa.

MARRO 29:11

meenti'ne, ooso'nenna ledo'ne hee'rannohu wole gobba manni, ki'nera haqqe hiiqqannohunna waa dirranno'nehu baalu ledo'ne uurranno.

MARRO 31:12

Macciishshe Magano'ne Kaaliiqa ayirrisa rose, seerasi baala seekke agadhanno labballo, meento, oosonna katamma'nera hee'rannoha manni gobba manna gamba asse.