KIIRO 7:12 - Qullaawa Maxaafa

^12-83 Afanshansano kunninni aane noo garinni shiqishshino: Umi barra, Yihudu ga'renni Aminaadaabi beetti Neasooni, layinki barra Yisaakoori ga'renni Tsoaari beetti Naatinaeeli, sayikki barra, Zaabilooni ga'renni Helooni beetti Eeliaabi, shoolki barra Roobeeli ga'renni Shedeuuri beetti Elitsuuri, ontikki barra Simiooni ga'renni Tsurishaadayi beetti Shelumieeli, leelki barra Gaadi ga'renni Deueeli beetti Eeliyaasaafi, lamalki barra Efireemi ga'renni Amihuudi beetti Elishamai, settikki barra Minaase ga'renni Phedaatsuuri beetti Gemaalieeli, honsikki barra Biiniyaami ga'renni Gidiooni beetti Abidaani, tonnikki barra Daani ga'renni Amishaadayi beetti Ahiezeeri, tonaa mitikki barra Aseeri ga'renni Okiraani beetti Faagieeli, tonaa layinki barra Niftaalemi ga'renni Enaani beetti Ahirai shiqishino. Kunni garinni baalunku uyitino afanshi mittu gariho. Hakkuno Qullaawu Dukkani keenaasinchi garinni keenneenna mitte kiilonna darate ikkanno birrinni seekkinoonniti xiltaame saane, 800 giraame keentannoti birrunni seekkinoonniti hayishshi'nanni saaneeti. Lamentera gidu kakkalora ikkitannota zayitetenni liinsoonni bullee wonshinoonni; 110 giraame keentannoti culkunni seekkinoonni dissite hixaana giddo wonshinoonnite; shilqote kakkalora 1 middicha, 1 ge'rechu goco, mittu diriha 1 ge'rechu goco, cubbo agursiisate shiqinshanniha 1 meichu goco, mittimmate kakkalora tonaa lamunku albisooti bado badotenni 2 woraamma, 5 ge'reewu gocca, 5 meu goccanna mittu dirire 5 ge'reewu gocca shiqishshu.

KIIRO 7:12 ပူးပေါင်းရင်းမြစ်များ

KALAQAMA 35:22

Israeeli hattenne gobbara hee'ri yannara, Roobeeli mare annisira irkote galte Biliha ledo goxi; Israeelino konne coye macciishshi. Yaiqoobi ooso kiiro tonaa lameho.

KALAQAMA 35:23

Liya ooso giddonni Yaiqoobira bayiru beetti Roobeeliiti; maa'nuullisi Simiooni, Leewi, Yihudu, Yisaakooriitinna Zaabilooniiti.

KALAQAMA 49:10

Yihuda, mootimmate siqqicho angakkinni difultanno; mootimmate bakali lekkakki qarrira no. Kuni ikkannohuno, gashshate malinohu daa geeshshaatinna, mannu baalu hajajamasi geeshshaati.

KALAQAMA 49:8

«Yihuda, ate roduuwikki guwissannohe; angakki diinnakki haxo aana ubbanno; roduuwikki atera umo heeshshi yite galtanno.

KIIRO 1:5

Yinoonni garinni ga're ga'rentenni kiirroonniri Israeelete minni roorrooti: Roobeeli ga'renni Shedeuuri beetti Elsuuri,

KIIRO 1:7

Yihudu ga'renni Aminaadaabi beetti Neisooni,

KIIRO 10:14

Balaxxe Yihudu ga're sumudansa la'anni Aminaadaabi beetti Neasooni albiseenna gaamo gaamotenni hadhu.

KIIRO 2:3

«Yihudu ga'renna ledonsa hadhannori Qullaawu Dukkanira soojjaatoonni uminsa sumudi mule baxxisidhona; Yihudunnihura 74,600 mannira addi addinni bandeenna Aminaadaabi beetti Nahisooni albisanno.

KIIRO 7:11

Kaaliiqino Musera, «Kakkalote uduunnichi maassora tonaa lamunku maassote barrinni mittu mittu roorrichira afansha shiqishate annimma uyi» yii.

MAATEWOOSI 1:4

Araami Aminaadaabi ilino; Aminaadaabi Neasooni ilino; Neasooni Salmooni ilino.

LUQAASI 3:32

Daawiti Isseyiho, Isseyi Iyoobeediho, Iyoobeedi Boeeziho, Boeezi Selimooniho, Selimooni Neasooniho,