KIIRO 7:1 - Qullaawa Maxaafa

¹ Muse Qullaawa Dukkana uurrisihu gedensaanni, Dukkananna giddosi noo uduunne baalanka buuri. Kakkalote darganna ledo noo uduunne wo'manka buure qullaawoota assi.

KIIRO 7:1 ပူးပေါင်းရင်းမြစ်များ

KALAQAMA 2:3

Maganu kalaqate loososi baala gude fooliishshi'rino barra ikkino daafira, lamalki barra maassi're baxxinoha assino.

UMI MOOTOOLLA 8:64

Hakko barranni Selemooni Qullaawu Minira albaanni mereeroho noo nafarchono Kaaliiqira baxxinoha assi. Hakkiinni aanche gudinse shilqinshanni kakkalo, gidu fushshaatenna mittimmate kakkalo cooma Kaaliiqira shiqishi. Hatto assinohu camotenni seekkinoonnihu kakkalote dargi baalanta kakkalo haa'rannokki daafiraati.

FULO 13:2

«Israeelete manni giddonni umo ilaminohunna saadate giddonnino umo qalaminohu baalu aneha ikkanno gede badie» yiisi.

FULO 29:36

Cubbo agursiisate, barru barrunkunni middicha kakkali; tini kakkalo kakkallanni darga keereensitanno; zayite buurte kakkallanni dargano qullaawa assi.

FULO 40:11

Hayishshi'nanni saanenna shaeseno kunni garinni buurte, qullaawa assi.

KIIRO 17:2

«Israeele baalantera ga're ga'rete sooreeyye ikkitinori mitte mitte siqqo haadhe mitteenni 12 siqquwa abbitanno gede assi. Mitte mittente siqqo aana mittu mittu manchi su'ma borreessi.

KIIRO 7:10

Kakkalote uduunnicho maassi'ni barra, roorrootu kakkalote uduunnichi maassora afansha abbitu.

KIIRO 7:84

Tonaa lamunku albisooti kakkalote uduunnichi maassora abbitino afanshi mitteenni: 27 kiilonna 600 giraame keentannoti 12 xiltaame saannanna 12 hayishshi'nanni saannaati; 1 kiilonna 320 giraame keenanno hixaana wonshinoonnita 12 culkunni seekkinoonni disituwa, 12 woraamma, 12 ge'reewu gocca, 12 mittu dirire ge'reewu wilii'le, insa ledono shilqote kakkalora gidu fushshaate shiqishshu. Cubbo agursiisate kakkalora, 12 meu goccaati; mittimmate kakkalora: 26 woraamma, 60 ge'reewu gocca, 60 meu gocca, mittu dirire 60 ge'reewu wilii'le shiqishshu. Israeelete albisooti konne baala afansha kakkalote uduunnicho maassi'ni barra uyitino.

MAATEWOOSI 23:19

Ki'ne illiweeloota, fushshaatunna fushshaate qullaawa assannohu kakkalote dargi woyite rooru hiikkoonneeti?