KIIRO 6:5 - Qullaawa Maxaafa

⁵ « ‹Xa'ne isonoo Kaaliiqira badinoha dananchosi milaace kissoonke. Isonoo Kaaliiqira bade hee'ranno yanna baalantera qullaawa ikke hee'rona. Umisi dananchono lossi'rona.

KIIRO 6:5 ပူးပေါင်းရင်းမြစ်များ

HIZIQEELI 44:20

«Qeesootu umonsa meexxa woy lossi'ra dihasiissannonsa; hatteentenni haransite mudha dandiitanno.

KIIRO 6:4

Baxxanno woyite, woyinete haqqichore mittoreno kisi'roonke. Woyinete laalo woy qoshase nafa itoonke.

SOQQAMAASINETE LOOSO 18:18

Phaawuloosi lowo barra roduuwu ledo Qorontoosi hee'rihu gedensaanni insa keerunni yee Sooriya ha'ri. Aqiilanna Phirisqilla ledosi no. Xano noosi daafira, Kinikiriya yinanniwa mare umo meexxi.

EJJEETTO 13:5

Godobbe labbaa beettono ilatta; ilamanno qaaqqino godowaho hee'renni Maganoho baxxinoha Naaziricha ikkanno. Israeeleno Filisxeemete anganni gatisa hanafanno» yiise.

EJJEETTO 16:17

Isino shete, «Ama'ya godowinni fulummonkunni Maganoho baxxoommoha ikkoommohura umo meende diegenninoonnie. Umo'ya meendiro kayinni wolqa'ya anewiinni ba'eenna wolu manni gedeeha ikkeemmo» yiise.

EJJEETTO 16:19

Daliila Samisoni giwoodise aana goxisse, mitto mancho woshshite lamalanta umisi guduro meedisiissu; wolqasi ba'ino daafira usurte,

UMI SAAMUEELI 1:11

Iseno, «Wo'manka Dandaatto Kaaliiqa, ane borojjichokki qarra la'e hawittoekkinni qaagge labbaa beetto uyittoero, hee'ranno diro baala iso qole atera eemma; umisi dananchono horonta dimeendanni» yite xa'nitu.