KIIRO 5:26 - Qullaawa Maxaafa

²⁶ Hakkunni gedensaanni, gidu aaninni mitto hoowo haa're, qaaggote fushshaate ikkanno gede kakkalote darga shilqishe, mancho waa agganno gede assona.

KIIRO 5:26 ပူးပေါင်းရင်းမြစ်များ

LEEWAAWOOTA 2:2

Aarooni sircho ikkitino qeesootiwa haa're abbona. Qeesichuno zayitenna hixaanu aanaho noo bullee mitto hoowo wo'ma haa're, kakkallanni darga masse shilqishona; giirre shiqinshanni kakkalo shilqonnite fooli anera tashshi yaannoe gede, wo'munku aneha ikkinota egensiisate kakkallanni dargira haadhe massitona.

LEEWAAWOOTA 2:9

gidu fushshaati wo'munku anera shiqinshoonniha ikkinota egensiisate, foolesi anera tashshi yaannoha asse kakkallanni darga masse shilqishanno.

LEEWAAWOOTA 5:12

Hakkunni gedensaanni, manchu bullee haa're qeesichunniwa abbona; qeesichuno bulleete aaninni qaaggote fushshaate asse mitto hoowo haa're wole kakkalo ledo mitteenni shilqishona. Tinino cubbo agursiissanno kakkalooti.

LEEWAAWOOTA 6:15

Qeesichuno gidu fushshaatita hoowo liiqo bullee, zayitetenna hixaanu baalu ledo qaaggote fushshaate shilqote kakkalo dargira shiqishona. Tenne kakkalo foolino anera tashshi yaannoha ikkanno.

KIIRO 5:25

qeesichu bulleete fushshaate manchote anganni haa're, Kaaliiqira addi fushshaate asse kakkallanni darga shiqishona.