KIIRO 5:18 - Qullaawa Maxaafa

¹⁸ Qeesichu mancho Kaaliiqi albaanni uurritanno gede assihu gedensaanni, umose tire hinaasu daafira shiqinshoonni fushshaate angase wore, isino qaraarannoha rumo abbanno waa anga amadona.

KIIRO 5:18 ပူးပေါင်းရင်းမြစ်များ

LAWISHSHA 5:4

Gedensaanni kayinni ise argiisimma qaraartanno; gamaxantino bise gede murtanno.

ROSIISAANCHO 7:26

Reyote aleenni qaraarannoha mitto coye afoommo. Kunino, baxillisenni woshshaadde, shibote gede halloho marmarantanno manchooti. Magano waajjannohu isewiinni gatanno; cubbaataamu kayinni amadamanno.

ISAYAASI 38:17

Iillinoe qarri anera danchummateeti; baxillikkinni lubbo'ya baote balenni agarattoe; cubbo'ya baalankano agurattoe.

ERMIYAASI 2:19

Umi'ne bunshe qorichishshanno'ne; anera badhe wodha'ne qoricha abbitanno'ne. Ane Magano'ne Kaaliiqa agura'nenna, anera uyitinanni ayirrinye ho'la'ne, mageeshshi geeshsha qaraaronna bunshe ikkitinoro affinanni. Konne coye coyi'roommohu ani Olantote Mootichi Kaaliiqaati» yii.

LEEWAAWOOTA 13:45

«Togooha taraawanno dhibba afi'rino manchi, daddadhamino imaana uddi'rona; umono fixxi'roonke; sanonna afoo dhiphe, ani lagaawoommohona shiqqi yitinoonte, yaanni lallawona.

KIIRO 5:15

ise haa're qeesichunniwa massona. Ise daafirano mitte kiilo bullee fushshaateho massona. Sao leellishanno fushshaate ikkino daafira, aanaho zayitenna hixaana woroonke. Kuni hinaasu daafira shiqinshoonnihu gidu fushshaati sao leellishate uyinanniho.

KIIRO 5:17

Hakkunni gedensaanni, qullaawa waa dorunni seekkinoonni uduunnichira hinkiile, Qullaawu Dukkani giddo noo bushsha shiima qi'miide haa're wayi giddo worona.

KIIRO 5:19

Hakkunni gedensaanni qeesichu mancho kunninni aane noo coyira sumuu yitanno gede assona: Ayiddaannikki hee'reennanni wolu labbaahu ledo foorte umokki batteessoottakkiha ikkiro, kunni rumo abbanno wayiwiinni keeraawi.

KIIRO 5:22

Kuni rumote wayi giddokkira e"e, godowakki fuugise giwoodakkino laansheesso› yoona. Manchono qolte, ‹Eewanni Kaaliiqi yootto gede asso› » yitona.

UMI QORONTOOSI 11:15

Meyatera kayinni dananchu ayirrinyeseeti. Seeda danancho uyinoonnisehu, umo diphitanno gedeeti.

UMI QORONTOOSI 11:6

Meyati umose guggu'la hoogguro, dananchose mudhitona. Danancho mudha woy meexxa saala ikkitusero umo guggu'litona.

MARRO 29:18

Kawiicho heedhinoonniri mereero ayino labbaahano ikko meyati, wole gosano ikkito ki'ne ilama Maganinke Kaaliiqiwiinni faffine wole kaphu maganna magansi'ra qorophe. Hatto assannohu, rumushshisenni qaraartanno hadho fultanno haqqicho gedeeho.

IBIRAAWOOTA 13:4

Adhanna adhama baalunku ayirrisannota ikkito; ayiddaanninna ayiddaama mimmitoho ammananto. Baashaabbannoriranna foortannorira Maganu busha yoo yaanno.

UMI SAAMUEELI 15:32

Hakkunni gedensaanni Saamueeli, «Amaaleqootu moote Agaagi haadhine anewa abbe» yii. Agaagino, «Hada reyo togo qaraartanno?» yee huxi'ranni dayi.