KIIRO 4:20 - Qullaawa Maxaafa

²⁰ Aarooninna oososi qullaawa uduunne usurte ka'a geeshsha, Qehaati ilama ikkitinori reyitannona hakkiira caaqqi yite nafa la'oonke» yiinsa.

KIIRO 4:20 ပူးပေါင်းရင်းမြစ်များ

FULO 19:21

Kaaliiqi Musera, «Dirrite, ane la"ara danna qaafe sae lowo manni goofannokki gede kulinsa.

LEEWAAWOOTA 10:2

Kunninni kainohunni, Kaaliiqiwiinni fultino giira itte shiteenna Kaaliiqi albaanni reyitu.

LEEWAAWOOTA 16:13

Reyannokki gede, hixaanu wiliile maarote barcima guggushshitanno gede, ane albaanni hixaana giirate aana worona.

KIIRO 1:51

Heedhinoonni darga agurtine hadhinanni yannara, Leewaawootu callu Dukkana noowiinni kayisse haaru qachira massite qassanno; insa agurranna Dukkanunniwa shiqqi yaannohu baalu reyo.

KIIRO 18:3

Annimma ate anga heedheenna insa Dukkanu giddo soqqantona. Ikkollana Qullaawa darga noo uduunnenna kakkalote uduunnicho kissoonke; kissuha ikkiro kayinni insano ki'neno reyitinanni.

KIIRO 4:15

«Aarooninna oososi Qullaawa Dukkananna uduunne baalanka xaaxxeenna, Qehaati ilama dagge dukkona. Mannuno hakkunni gedensaanni ha'rona. Reyitannona qullaawa uduunnella kisidhoonke. Qullaawu Dukkani giddo noore baala Qehaati ilama dukkanno.

KIIRO 4:19

Qullaawu uduunniwa shiqqi yite reyitannokki gede, Aarooninna oososi e'e, mittu mittunkura loossannorenna dukkannore badde kultonsana.

KIIRO 4:21

Kaaliiqi Musera,

YOHAANNIS AJUUJA 11:19

Gordoho noohu Qullaawu Mini fa'nami; isihu gondooru taabootino hakkiicho leelli. Hatte yanna giddo banqo, belequ, gugatto, baattote huxi'ranna jajjabba kaade no.

UMI SAAMUEELI 6:19

Kaaliiqi Taaboota fante la'ino daafira Maganu Beetesaamisaha 70 manna shiino. Kaaliiqi tenne bao aanansa abbino daafira mannu lowo geeshsha dadille wi'li.