41 Minaase ga're ilama ikkinohu Yaiirino gobbansa adhe, Yaiiri qachuwa yee su'ma fushshi.
Beeni-Gebeeri: Raamooti Geleaadi yinanni katamira Minaase ga'rera ilaminohunnita Yaiiri ilama gobba, Baasaani Argobbi gobbara noota waalchuwansa camote waawannanni waawansinannita kinchu huxxuwa noota qiinshoonnita mitteenni 60 katamma gashshino.
Minaase ga'rehu Yaiiri Geshuurootunna Maikootu danni geeshsha noota Argobbi baatto baala Baasaani adhino. Yaiirino qachuwa su'misinni woshshino. Techo geeshsha Habooti Yaiiri yinanni.)
Gashshootinsa Mahinayiminna Baasaani gudise giddo amadinoho. Kuni Baasaani, wo'manka moote Aagi gashshoote hattono, Baasaaniha Yaiiri yinanniwa noore 60 qachuwa giddo amadanno.
Yaiirira 30 harre guluffannori 30 ooso noosi. Oososira xaa yannara Yaiiri qachuwa yinanniti 30 katamma Geleaadi baattora noonsa.