KIIRO 32:32 - Qullaawa Maxaafa

³² Kaaliiqi albisanna olaho qixxaambe Kana"aani fulleemmo. Iqqinke kayinni Yordaanoosira kawaanniiti» yitu.

KIIRO 32:32 ပူးပေါင်းရင်းမြစ်များ

KIIRO 32:31

Gaadinna Roobeeli mannino, «Ninke soqqamaanokki Kaaliiqi yiinore assineemmo.

KIIRO 32:33

Hakkunni gedensaanni Muse, Amooraawootu moote Sewoonihanna Baasaani moote Aagi gashshoote, katammasinna qooxeessaho noo gashshoote baala Gaadinna Roobeeli ga'rera qoleno Yooseefi beetti Minaase ga're daratira uyinsa.

MARRO 3:12

Hattenne gobba adhinummo yannara, amandoommo baatto aaninni Arnooni Lagichi mule noohunni Aroeeri Kataminni kayise aliyyeenni noo gashshooti aana, gaaraame Geleaadi gobba darate katammante ledo Roobeelinna Gaadi ga'rera oommonsa.

MARRO 29:8

Baattonsano adhine Roobeeli gare'ra, Gaadi ilamaranna Minaase ga're daratira iqqa assine uyinoommo.

LEEWAAWOOTA 14:34

«Ani ragisiiseemmo'neta Kana"aani gobba e'inanni yannara, ani woroommoha taraawanno dhibba mitto mine affiniro,

KIIRO 32:19

Qeechanke Yordaanoosi Wayira soojjaatoonni afi'noommo daafira, widoonni fulle insa ledo baatto dibeeqqineemmo» yitu.

KIIRO 34:15

Tini lamenti ga'renna daratu Yordaanoosira soojjaatoonni, Iyyaarkora widoonni iqqansa adhitino» yiinsa.

MARRO 1:1

Yordaanoosira soojjaatoonni Areba Halallittera Suufi Katamira albaanni, Faaraaninna Xoofeeli, Laabaani, Hatserootinna Dizahaabi mereero heedheenna, Muse sa'u yannare marro hige qaagiissanni Israeelete manni baalaho coyi'rino qaali konneeti.

IYYAASU 12:1

Kunni albaanni Israeelete manni Yordaanoosi Wayira soojjaatoonni noo baatto olunni qeele amade no. Baattote hala'linyi Arnooni lagichinni kae, Yordaanoosi lagichira soojjaati ragaanni noo gobba baala mitteenni amade, aliyyeenni Hermooni Ilaala iillanno; tenne baatto ragi'rate 2 mootoolla qeeltino.

IYYAASU 12:6

Tenne lamenta mootoolla Musenna Israeelete manni olunni qeeltino. Kaaliiqi soqqamaanchi Muse tenne baatto Roobeeliranna Gaadi sirchira, qoleno Minaase sirchira darateho beehe iqqa asse uyino.