KIIRO 3:41 - Qullaawa Maxaafa

⁴¹ Insa darga Leewaawoota doodhoommo; qoleno umo qalantino saada Israeelennite darga Leewaawootu saada doodhoommo. Ani Kaaliiqaati» yii.

KIIRO 3:41 ပူးပေါင်းရင်းမြစ်များ

KIIRO 18:15

Anera uyinoonnihu umo ilaminohu woy umo qalaminohu baalu ateho. Umo ilaminoha labbaa beetto woxxannohuwiinni woxe haadhe. Saadannihu umo qalaminohu maala intannikkiha ikkiro dargaho woxe riqimbona.

KIIRO 3:12

«Umo ilamannohu labbaahu baalu darga Israeelete giddonni Leewaawoota adhoommo; kunni daafira Leewaawootu anereeti.

KIIRO 3:13

Gibitsenniha umo ilaminohanna umo qalaminoha baala shuummo waro, Israeelete gobbara umo ilamannohanna umo qalamannoha baala umi'yara baxxoommo. Xa kayinni hakkuri darga Leewaawoota doodhoommo; insano anere ikkito. Ani Kaaliiqaati» yiisi.

KIIRO 3:42

Museno Kaaliiqi hajajinonte gede Israeelenniha bayira bayira beetto kiiri.

KIIRO 3:45

«Umo ilantanno ooso Israeelennite darga, Leewaawoota anera badie. Saadansano umo qalantanno saada Israeelennite darga anera badie. Leewaawootu anereeti. Ani Kaaliiqaati.

KIIRO 8:16

Israeelete meenti umo ilino ooso labballiti baalanti anete. Ikkollana insa darga doodhoommore ikkitino daafira Leewaawootu ane calli'yareeti.

MAATEWOOSI 20:28

Manchi Beettino soqqamaranna lowo manna wode gatisate lubbosi sayise aara dayino ikkinnina soqqammasira didayino» yii.

UMI XIMOOTEWOOSI 2:6

Manna baala cubbuwiinni gatisate, umosi wodote sayise uyinohu isooti. Kuni coyi ikkinohu, agarroonni yanna iillitanno woyite, Maganunniha gatisate looso leellishate naqaashshete.