KIIRO 28:3 - Qullaawa Maxaafa

³ «Qolteno, anera shilqote kakkalora mittu dirire muso afi'rinokkire 2 ge'reewu wilii'le barru barrunkunni shiqishshe.

KIIRO 28:3 ပူးပေါင်းရင်းမြစ်များ

UMI DUDUWO 16:40

Hatto assinohuno Kaaliiqi Israeelete mannira uyino seeri garinni, soodonna hawarro wo'manka woyite gudinse shilqinshanni kakkalo shilqishshanno gedeeti.

LAYINKI DUDUWO 8:13

Muse hajajo garinni mittu mittunku ayyaanira: Fooliishshote Barra, Aganu Leelli barra, diru dirunni ayirrinsanni ayyaannara: Timu Ayyaanira, Gide Gamba Assi'nanni Ayyaaniranna Daasu Ayyaanira Kaaliiqira kakkalo shiqishi.

IZIRA 3:5

Hakkunni gedensaanni, rosantinota shilqote kakkalo, Aganu Leellanno Ayyaani kakkalo, wole Kaaliiqi ayyaannara shiqqannotanna banxe Kaaliiqira uyinanni fushshaate haadhe shiqishshu.

DAANIEELI 11:31

Olantosino Qullaawa Mine batteessitanno; barru baala shiqinshanni kakkalono hooltanno; baote batte uurrisidhanno.

DAANIEELI 12:11

«Barru barrunkunni shiqinshanni kakkalo gatteenna baote batte uurritanno gede assinanni yannanni kayise 1,290 barri sa"anno.

DAANIEELI 8:11

Gordu olanto Mootichano hettisi; barru barrunkunni isira shiqinshanni kakkalo gattanno gede assi. Qullaawa Mineno batteessi.

DAANIEELI 8:13

Hakkunni gedensaanni mittu qullaawu sokkaasinchi wole sokkaasincho, «Kuni ajuujatenni leellanno coyi wo'mannohu mamooteeti? Bao abbitanno bunshenna wo'ma woyite kakkallanni darga amade keeshshannohu mageeshshi geeshshaati? Qullaawu Mininna gordu olanto kakkadantanni keeshshitanno gede Maganu wore la"annohu mamooti geeshshaati?» yee xa'manna afoommo.

LEEWAAWOOTA 3:5

Qeesootu konne baala wole shilqinshanni kakkalo ledo kakkallanni darga massite shilqishshona; tenne kakkalo fooli anera tashshi yaannoha ikkanno.

LEEWAAWOOTA 6:9

«Aarooniranna oososira kunnira woroonni nooha shilqote kakkalo seera kulinsa: Shilqote kakkalo hashsha wo'ma kakkallanni darga worreenna giirano bubbanni galtona.

AMOOTSI 4:4

Mootichu Kaaliiqi, «Israeelete manna! Beeteli hadhine cubbo loosse; Galgalano martine hakkiinni roore bunshe loosse. Barru barrunkunni kakkalo'ne shiqishidhe; sayikki sayikki barrano tonnunni mitto uyidhe.

KIIRO 28:10

Konne fushshaate barru barrunkunni shiqinshanni fushshaati sagalennihunna agattonnihu ledo Fooliishshote Barra wo'manka woyite shiqishshe.

KIIRO 28:15

Agattote fushshaati ledo, wo'ma woyite shiqishshinannita shilqote kakkalo agurranna 1 meichu goco cubbo agursiisate kakkalo assitine ane Kaaliiqira shiqishshe.

KIIRO 28:23

Kore wo'manka woyite soodo soodo shiqishshinanni kakkalo shilqonnite ledo shiqishshe.

KIIRO 28:24

Tenne kakkalono ane Kaaliiqira su'niitanno garinni lamalanka barra sagalete fushshaate assitine shiqishshe. Tini barru barrunkunni agattote fushshaati ledo shiqishshinanni kakkalo shilqonnite ledo shiqqannote.

KIIRO 28:31

Gidu fushshaati ledo barru barrunku shiqishshinanni kakkalo shilqonnite ledo agattote fushshaateno shiqishshe. Shiqishshinanni saada muso afidhinokkita ikkansa buuxxe.

KIIRO 28:4

Mitto soodo, mitto hawarro shiqishshe.

KIIRO 29:11

Cubbo agursiisate shiqinshanni kakkalonna barru barrunkunni shiqinshannihu gidunna agattote fushshaati gobbaanni, cubbo agursiisate ikkanno gede 1 meichu goco leddine shiqishshe.

KIIRO 29:16

Barru barrunkunni shiqinshannihu gidu, agattotenna shilqote fushshaati gobbaanni, cubbo agursiisate kakkalora 1 meichu goco leddine shiqishshe.

KIIRO 29:6

Kuri baalu yinoonni garinni gidunna agattote fushshaati ledo barru barrunkunninna aganu aganunkunni shiqinshanni kakkalo shilqonnite aana lende ane Kaaliiqira su'niitanno kakkalo assine shiqinshannireeti.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

IBIRAAWOOTA 9:6

Baalunku coyi kunni garinni qixxaawanno yannara, qeesootu soqqantara dukkanu giddo noo darga qullaawa barru baala e'anno.

YOHAANNIS AJUUJA 13:8

Kalqe kalaqantara albaanni, gorramino Ge'rechi maxaafi heeshshonnihu giddo su'mansa borreessinoonnikkiri, baattote aana heedhannori baalu moyicho magansidhanno.