KIIRO 28:2 - Qullaawa Maxaafa

² «Israeelete mannira kunninni aante noo hajajo uyinsa: Giiratenni rainsoonni sagale anera su'niitannoe gede assitine yanna yannantenni shiqishshe"e.

KIIRO 28:2 ပူးပေါင်းရင်းမြစ်များ

KALAQAMA 8:21

Kaaliiqi shilqonniha dancha foole su'niissi'ri; wodanisinnino, «Manchu wodani hedo anjesinni kayisse bushate; ikkirono isinni kainohunni baatto dirumeemmo; xa assummo gede lubbo nooha baala layinkimeeshsho dihuneemmo.

UMI DUDUWO 23:31

Fooliishshote Barra, Aganu Leellihunni umi barranna wole ayyaannara Kaaliiqa galatanna ayirrisa insa loosooti. Yanna yannantenni tenne haja wonshitanno Leewaawooti mageeshsha ikka hasiissannoro worroonni seeri no. Kaaliiqa magansi'rate seera wonshinanni yanna baalantera worroonniri insaati.

LAYINKI DUDUWO 23:18

Yoodahe qeesootahonna Leewaawootaho Qullaawu Mini hajara annimma uyinsa. Loosinsano Daawiti hajajino gede soqqamatenna, Muse Seeri garinni Kaaliiqira shilqote kakkalo shiqishate. Hakko garinni muuziiqanna ayyaana ayirrinsanni gara qineessano insa loosooti.

LAYINKI DUDUWO 31:3

Moote Hiziqiyaasi wo'manka woyite soodonna hawarro shiqinshannitera shilqote kakkalora, Fooliishshote Barranna Aganu Leellanno Ayyaanira kakkallanni kakkaloranna Kaaliiqi seerira kulloonni ayyaanna baala ayirrisate ge'reewosinna lalosi uyino.

IZIRA 3:2

Iyotsedeqi beetti qeesichu Iyyaasu ledosi qeesooti ledonna Selaatiyaali beetti Zerubaabeelino fiixisi ledo Israeelete Maganiha kakkalote darga galagalchite seekkitu. Hakkunni gedensaanni, Maganu manchi Muse maxaafi seerunnihura borreessinoonni garinni kakkalo shiqishshu.

IZIRA 3:3

Gaangaawinsara heedhanno daganni kainohunni waajjillu amadinsarono, kakkalote darga albi basera seekkitino. Hakko darga shilqote kakkalo soodonna hawarro Kaaliiqira shiqishshu.

NEHIMIYA 10:34

«Seeru giddo kakkalote daafira borreessinoonni garinni, Maganinke Kaaliiqira shiqinshanni kakkalo shilqinshanni haqqe hiiqqannoha, ninke qeesootunna Leewaawootu diru dirunkunni hixa ganne fushshineemmo.

FAARSO 81:3

Ayyaana ayirrinsanni barra buudu xurumba ufuuffe; Aganu Leellanno yannaranna dukkaaduranno woyite hatto asse.

FULO 23:15

Ani hajajoommo'ne garinni, Gibitsetenni fultinihura Abiibi yinanni aganira yinoonni barrinni Timu Ayyaana ayirrisse. Kunni ayyaaninni 7 barra shiishinokki tima ittinanni. Ane magansi'rate shiqqinanni yannara mulla anganni dagginoonte.

FULO 29:18

Ge'rechu goco gudisse kakkallanni darga shilqishi; tini kakkalo su'niitannotenna anera tashshi yitannote.

HIZIQEELI 16:19

Fila bullee, ejersu zayitenna malawo sagalimmate oommohe. Ati kayinni kaphu maganna hagiirsiisate fushshaate assite shiqishootta. Konne coye coyi'reemmohu ani Mootichu Kaaliiqaati.

HIZIQEELI 20:41

Billaallitinoonni gobbanni abbe mittowa gamba asseemmo'ne yannara, shilqinshanni kakkalo gede asse baxeemmo'ne; ani ki'nera qullaawa ikkoommota dagate leellisheemmo.

HIZIQEELI 45:17

Gashshaanchu loosino aane nooho: Shilqote kakkalora ikkitanno saada, gidu fushshaatenna woyinete fushshaate Israeelete mannira Aganu Leellanno Ayyaanira, Fooliishshote Barranna wole ayyaanna barra qixxeessanno. Hattono Israeelete manni cubbo agursiisate, kakkalote ikkitannotanna gudinse giirrannita mittimmate kakkalo shiqishanno» yiie.

LEEWAAWOOTA 1:13

Godowirenna dadubba wayinni hayishshona. Qeesichu fushshaate baala abbe kakkalote darga shilqishona. Tenne shiqinshanni kakkalo shilqonnite fooli anera tashshi yaannoha ikkanno.

LEEWAAWOOTA 1:17

Qoolla lamewa facona; kayinnilla gudise babbadoonke; qeesichuno kakkalote darga bubbanno giira aana shilqishona. Tenne shiqinshanni kakkalo shilqonnite fooli anera tashshi yaannoha ikkanno.

LEEWAAWOOTA 1:9

Hakku manchi, bootunniha godowirenna dadubba wayinni hayishshona; qeesichuno fushshaate baala gudise kakkalote darga masse shilqote kakkalo asse shiqishona; tenne giirre shiqinshanni kakkalo shilqonnite fooli anera tashshi yaannoha ikkanno.

LEEWAAWOOTA 21:6

Anera qullaawa ikkona; su'ma'yano shollishoonke; sagalete fushshaate shiqishannoe daafira qullaawa ikkona.

LEEWAAWOOTA 21:8

Magani'neta fushshaatu sagale shiqishannohona, qullaawa assitine kiirresi; qullaawoota asseemmo'nehu ani Kaaliiqi qullaawahona qullaawa assitine kiirresi.

LEEWAAWOOTA 3:11

Qeesichu konne baala ane Kaaliiqira sagalete fushshaate asse kakkallanni darga masse shilqishona.

MILKIYAASI 1:12

Ki'ne qeesootu kayinni, kakkalo'ya darga battaawinoha assitine kiiratenninna mishshinoonni sagale shiqisha'nenni ane shollishshinoonnie.

MILKIYAASI 1:7

Kakkallannie dargira battaabbino sagale kakkalote shiqishshinanni, ‹Ate ayirrisa hiitto hoongeemmo?› yitinanni. Anino, ‹Kakkalo'ya darga shotisatenniiti› yeemmo'ne.

KIIRO 15:24

tini so'rono de'netenni kalaqantinota ikkituro, mannu anera mitto middicha su'niitannota shilqote kakkalo asse shiqishona. Kunni ledo seeru garinni gidunnihanna anganniri fushshaate, qoleno cubbo agursiisate kakkalora meichu goco shiqishona.

KIIRO 15:3

xano tidhate woy afansha uyi'rate woy amma'note ayyaanna ayirrisate woy shilqote kakkalora lalo woy ge'reewo woy me"e shiqishshinanni. Tini kakkalo ane Kaaliiqira su'niitannota ikkitanno.

KIIRO 28:1

Kaaliiqi Musera,

KIIRO 29:39

«Xa'nitinoonni xanora uyitinannihu woy baxxine uyitinanni fushshaati aana kulloonni'ne ayyaannara kore baala ane Kaaliiqira shiqishshe. Kuri shilqote kakkalo, gidu fushshaate, agattote fushshaateetinna mittimmate kakkalooti yiinsa» yiisi.

KIIRO 9:13

Kayinnilla mittu manchi lagaawikkinni woy xeerto doogo ha'rikkinni Mararrote Ayyaana ayirrisa hoogiro, manni'ya ledo kiiramoonke. Ane Kaaliiqi fushshaate yinoonni yannara shiqishinokki daafira cubbosi umisi duqqanno.

KIIRO 9:7

«Ninke reeshsha amande battaamboommo; ikkirono wolootuwiinni baxxine Kaaliiqira fushshaate uyineemmota mayira hoollanninke?» yitu.

LAYINKI QORONTOOSI 2:15

Ninke ba'annoriranna gattannorira Maganoho Kiristoosi su'niilleeti.

EFESOONI SOKKA 5:2

Kiristoosi baxinonkenna Maganoho tanni yite su'niitanno kakkalo asse umosi ninke daafira sayise uyinonte gede, ki'neno baxillunni heedhe.

FILIPHISIYUSI SOKKA 4:18

Hasiisannoehanna hakkiinnino saino afansha Ephafiroditusi widoonni qoltine sokkineennae adhoommo. Kuni afanshi'ne su'niitanno kakkalo gede Maganu hagiidhannohonna adhannoho.