KIIRO 26:54 - Qullaawa Maxaafa

⁵⁴ Ilama batidhino ga'rera hala'lado baatto uyite, ilamate kiiro ajjino ga'rera ajishshe uyi. Mitte mittenti ga're kiironsa garinni adhitona.

KIIRO 26:54 ပူးပေါင်းရင်းမြစ်များ

KIIRO 26:53

«Ga're ga'rete manni kiiro garinni baatto beehinsa.

KIIRO 32:3

«Kaaliiqi manninke Israeele qeeltanno gede asse uyinonketi Axaarooti, Dibooni, Yaizeeri, Nimira, Hesibooni, Eliaale, Sibima, Nebonna Beooni katammanna qooxeessinsara noo gobba baala saadate toltinote. Ninke soqqamaanokkirano lowo saada noonke.

KIIRO 32:5

Elittonkeha ikkiro tenne baatto ninke soqqamaanokkira iqqinke. Yordaanoosira widoonni fushshitootinke» yitu.

KIIRO 33:54

Baatto ga're ga'rentenni hixunni beeqqitine adhe. Kiiro haammattinorira hala'lishshine, kiiro ajjannorira kayinni ajishshine uuyye.

KIIRO 35:8

Israeelete iillitino baatto aaninni katamma Leewaawootaho uyitinanni woyite, mitte mittenti ga're adhitino qeechi bikkinni haadhine uuyye. Hala'lado adhitinoriwiinni lowo katamma, shiima adhitinoriwiinni kayinni shiima katamma haadhe» yiisi.

IYYAASU 17:14

Yooseefi ga're Iyyaasu, «Kaaliiqi maassi'rinonke daafira kiironke bati'rate. Iqqinke mitto qeecha calla ikkihu mayiraatiyya?» yite xa'mitu.

IYYAASU 19:9

Yihudaho iillinosi qeechi hasiisannohura aleenni ikkinohura, isiwiinni beenke Simiooni ga'rera uyinoonni.