KIIRO 26:10 - Qullaawa Maxaafa

¹⁰ Insa, Qorenna ledosire mitteenni baatto dadhante egemmitino. Insa reyitu waro 250 manna giira dirrite ittino. Mannuno hakko coyinni jiilino.

KIIRO 26:10 ပူးပေါင်းရင်းမြစ်များ

FULO 16:35

Israeelete manni, hee'ranno gobba Kana"aanita mare iilla geeshsha, 40 diro wo'ma tenne sagale itanni hee'rino.

ERMIYAASI 29:22

Insanni kainohunni Baabilooni noohu Yihudu manni baalu rumanno woyite, «Kaaliiqi Baabilooni moote lubbotenni heedheennanni giiriri Sedeqiyaasinna Akiaabi gede assohe» yaanno.

HIZIQEELI 14:8

Ani umi'ya insa giwatenni wolootaho bangagooshshe ikkanno gede asseemmo. Mannu ani Kaaliiqa ikkoommota afanno gede, manni'ya mereerinni insa huneemmo.

KIIRO 16:2

egennantinore manna gashshitannore 250 manna anga adhite Muse aana ka'u.

KIIRO 16:38

Kuni bacci qullaawa ikkinohu Kaaliiqi albira shiqinshi yannaraati. Kunnira, cubbo loose reyi manni bacce haa'ne shaashshine ganne kakkalote uduunnichira tu'nanni gede assi. Kunino Israeelete mannira qorophishiishsha ikkona» yii.

KIIRO 17:3

Mittu mittunku ga'rete sooreessira mitte mitte siqqo hee'ra hasiissanno daafira, Leewi ga're siqqo aana Aarooni su'ma borreessi.

KIIRO 27:3

«Anninke halalli gobbara reyino. Umisi cubbinnilla reyinota ikkinnina Kaaliiqi aana ka'uri Qoreoo ledo xaado diafi'rino. Labballi ooso ilikkinni reyino.

MARRO 11:6

Roobeeli ga'renni Eeliyaabi ooso Daataaninna Aberooni maatensa, dukkaninsanna soqqamaanonsa baala saadansa ledo mittu mittunku albaanni baatto dadhante egemmitu gara affinoonni.

MARRO 28:46

Kuni coyi baalu ki'neranna sirchi'nera malaatenna maalale ikke hegere geeshsha hee'ranno.

LAYINKI PHEEXIROOSI 2:6

qoleno cubbo loossannori baalu jiiltanno gede Soddoomunna Gomooru katamma buluulo ikkita geeshsha giire ba'anno gede assiro,

YIHUDA 1:7

Soddoomunna Gomooruno qooxeessinsara noo katamma ledo foorrennire ikkitino; foorretenni mannaho nookki akkimale ikkitino. Kunnira insa hegere giiranni qorichishantannorira lawishshaho.

UMI SAAMUEELI 2:34

« ‹Oosokki Afiininna Finihaasi aana daanno coyi atera malaate ikkannohe; lamunku mitto barra reyitanno.