KIIRO 24:7 - Qullaawa Maxaafa

⁷ Lowo xeena ganannonsa daafira, jajjinsa ikkanno geeshshi waa afi'ranno. Mootensa Amaaleqichu Agaaginni rooranno; gashshootinsano bati'ranno.

KIIRO 24:7 ပူးပေါင်းရင်းမြစ်များ

LAYINKI SAAMUEELI 5:12

Kunninni kainohunni Daawiti, Kaaliiqi Israeelete moote asse uurrisinositanna mannisi Israeelete daafira yee gashshootesi qinaado assinota buuxi.

UMI MOOTOOLLA 4:21

Selemooni Efiraaxisi Wayinni kayise, Filisxeemete gobba geeshsha, hakkiinnino sae Gibitsete danni geeshsha noo gobba baala gashshino. Tenne gobba baalantera hee'ranno manni Selemooni anga gale isi lubbotenni noo geeshsha isira gabbaranni hee'rino.

UMI MOOTOOLLA 5:1

Xiroosi moote Kiraami Daawiti ledo elle amade keeshshino daafira, Selemooni annisi Daawiti darga moohinota macciishshe, isiwa manna soyi.

UMI DUDUWO 14:2

Daawitino Kaaliiqi Israeelete moote asse uurrisinositanna mannisi Israeelete daafira yee gashshootesi lowo geeshsha ayirrado assinota buuxi.

IZIRA 4:20

Hakkiinnino sa'e, Yerusaalamete Katamira Efiraaxisi Awuraajja Galchimiha gashshitinore baala, giwire baatisiissannori wolqaataamma mootoolla heedhinoho.

ASTEERI 3:1

Shiima yanna gedensaanni, moote Arxekisiisi Haama yinanniha Agaagichu Hamedaata beetto gashshootisira aliidiha asse shoomi.

FAARSO 18:43

Haxawarru manniwiinni gatisoottoe; dagate umo assite shoomoottoe; egennoommokki gosano gashshantinoe.

FAARSO 68:26

«Magano songote mereero galattesi; Israeelete sirchi baalu Kaaliiqa galattesi!» yaanno.

FAARSO 72:11

Mootoolla baala kumbuultosi; daga baalanti gashshantosi.

FAARSO 89:27

«Anino bayira beettonna mootoolla baalantera aliidiha asseemmosi.

ISAYAASI 2:2

Goofimarchu yannara, Kaaliiqihu Qullaawu Mini noo Ilaali, wole ilaalla baalatenni roore leellanno. Gaarra baalantenni roore luphi yee leellanno; gosa baala hakkiichira hadhanno.

ISAYAASI 30:25

Diini'nera goofo iillitanno yannara, jajjabba ilaallanninna gaarratenni bu'a lolakkanno'ne.

ISAYAASI 48:1

Israeeli su'minni woshshinanni'neri, Yaiqoobi sirchinna Yihudu ga're, Israeelete Magano magansi'neemmo yitinanni, Kaaliiqi su'minni xaartinanni. Ikkollana yitinoonni coye halaalunninna keeraanchimmatenni diwonshitinanni.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

ERMIYAASI 51:13

Ati jajjabbu wayi mule hee'rattohu, dureessu Baabilooni! Goofimarchikki dayino; qocci yite ta"atto yanna daggino.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

KIIRO 24:20

Hakkunni gedensaanni Beleaami Amaaleqi gosa afe, «Amaaleqi gosa mannaho aliidite; gedensaanni kayinni co'o yite gooffanno» yee himani.

YOHAANNISI 1:49

Hatto yiita Naatinaeeli, «Rosiisaancho'ya, ati Maganu Beettooti! Ati Israeelete Mooteeti!» yii.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.

YOHAANNIS AJUUJA 17:1

Lamala gabate anga haadhe noo sokkaasine lamalante giddonni mittu anewa daye, «Amo, lowo wayibba mule ofoltinota lowo foorrenni egennantino mancho qoricha leellisheemmohena.

YOHAANNIS AJUUJA 17:15

Sokkaasinchu lede, «Laittoti foora mancho mulensa ofoltino wayibba, fiixu fiixunni, gosa gosatenni, ga're ga'retenninna addi addi afiinni coyi'ranno manni lawishshaati.

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.