KIIRO 23:9 - Qullaawa Maxaafa

⁹ Insa ilaallate birxera uurre, gaarrate aana hee're laeemmo. Wolu manniwiinni baxxite, insanaa maganiweelo gosa gede assite kiirtukkinni, heedhannore afeemmo.

KIIRO 23:9 ပူးပေါင်းရင်းမြစ်များ

IZIRA 9:2

Israeelete manni, tenne gosa seenne adhino; Maganunnihu qullaawu manni dagate ledo karsiisamino. Tenne bunshera umo ikkitinori sooreeyyenkeetinna gashshaanonkeeti» yitue.

ASTEERI 3:8

Kunnira, Haama moote Arxekisiisira, «Gashshootikki giddo gobba baalate farsha yite heedhannoti mitte gosa no. Tini gosa wole gosawiinni baxxitino woga afidhinote. Hakkiinnino sa'e, gashshootikki seerirano dihajajantannoreeti. Konne manna sammi yite agurittoro atera dancha di"ikkanno.

FULO 33:16

Ledonke fulattokkiha ikkiro, anenna mannakki baxattota mayinni anfanni? Ninke baattote aana hee'ranno manniwiinni addire ikkinoommohu diati ledonke nootto daafiraati?» yii.

ERMIYAASI 46:28

Soqqamaano'ya Israeele, ani ledo'ne noommona waajjitinoonte. Giddonsa billaallisummo'ne gosa baala huneemmo; ki'ne higginara yee taalo qoricha eemmo'ne; kayinnilla co'o asse digudeemmo'ne. Konne coye coyi'roommohu ani Kaaliiqaati» yii.

ERMIYAASI 49:31

Ani Kaaliiqi Baabilooni mootera, ‹Daggine huxxu, cufannanna waawanna nookkiha fano heedhenni, bashshi assitukkinni hawaqidhe noo gosara bala tugi› yee kuloommosi.

AMOOTSI 9:9

«Israeelete manni giddonni tidhitinokkire bade hoolate, insa gidu gede asse meemmiisseemmo; hatto asseemmohuno dagate mereero heedhanno yannaraati.

MIKIYAASI 7:14

Kaaliiqa'ya ballo, ati dooroottota gosakki, Qermeloosi dubbi giddo calluwinsa ofoltinore mannakki, iqqikki ge'reewo siqqichokkinni allaali. Albi diri gede Baasaaninni Geleaadi geeshsha allaali.

LAYINKI QORONTOOSI 6:17

Kunnira Mootichu, «Giddonsanni fultine, baxxitinoonnire ikke. Batte ikkinoricho kissinoonte; anino haa'reemmo'ne.

MARRO 32:8

Wo'munkura Aliidi Magani, dagate heedhanno baatto beehinonsa. Mannu hee'rannowano badino; Israeelete ooso kiiro garinni dagate baattora danna worino.

MARRO 33:28

Kunni daafira, gordunni loju dirranno baattora, gidunna haaro woyinete xajje wo'mitinowa, hawaqi're keerunni Yaiqoobi sirchi callu hee'ranno.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.