KIIRO 23:1 - Qullaawa Maxaafa

¹ Beleaami Baalaaqi, «Konniicho 7 kakkalote darga seekkite, 7 woraammanna 7 ge'reewu gocca abbi» yiisi.

KIIRO 23:1 ပူးပေါင်းရင်းမြစ်များ

LAYINKI MOOTOOLLA 18:22

Kaaliiqa Magano'ne hexxitinannita anera kultinannie? Yihudunna Yerusaalamete manni mitto darga calla magansi'ranno gede Maganoho kakkallanniwanna magansi'nanni darga baala diigoottohu Hiziqiyaasi ate di"ikkootto?

UMI DUDUWO 15:26

Gondooru Taaboota dukkanno Leewaawoota Kaaliiqi kaa'lannonsa gede 7 woraammanna 7 ge'reewu gocca kakkaltu.

LAYINKI DUDUWO 29:21

Insano mootete miniranna Yihudu mannira cubbo agursiisate, Qullaawa Mine keereensate kakkalora Kaaliiqira shiqinshannita, 7 woraamma, 7 ge'reewu gocca, 7 ge'reewu wilii'li goccanna 7 meu gocca abbitu. Mooteno hattenne saada Kaaliiqira kakkalote darga kakkaltanno gede Aarooni sircho ikkitinore qeesoota hajaji.

IYYOOBI 42:8

Xa kunnira lamala boottanna lamala ge'reewu gocca haadhine, borojjichi'ya Iyyoobiwa marre. Shilqote kakkalono umi'nera shiqishshe; borojjichi'ya Iyyoobi ki'ne daafira huuccannona, anino hambe'ne daafira qorichisheemmo'nekki gede, huuccattosi macciishsheemmo. Ki'ne borojjichi'ya Iyyoobi gede ane daafira taalo coye dicoyidhinoonni» yii.

FULO 20:24

Anera kakkalote darga bushshunni seekke"e; shilqonnitanna mittimmate kakkalo boottannitanna ge'reewunnita hakkiicho kakkalle"e; su'mi'ya qaagamanno gede hedoommo darga baalaho daye maassi'reemmo'ne.

LAWISHSHA 15:8

Kaaliiqi bushuullu kakkalo giwanno; keeraanote huuccatto kayinni tashshi assitannosi.

HIZIQEELI 33:31

Kunnira, manni'ya ati coyi'rattore macciishsharalla gamba yaanno; kayinnilla, kulattonsare baala diwonshanno. Kulatto qaale goowi alita naaddanno; wodaninsara kayinni hafuurre wo'mitino.

HIZIQEELI 45:23

Ayyaana ayirrinsanni barruwara, mitto mittonka barra muso afidhinokkire 7 boottanna 7 ge'reewu gocca, shilqote kakkalora Kaaliiqira haa're abbona. Kunni garinni, mitto mittonka barra cubbo agursiisate kakkalora ikkannoha 1 meichu goco haa're abbona.

KIIRO 22:41

Layinki soodo guto Baalaaqi gamisa Israeelete manna la"anno gede Baleaami haa're Bamooti-Beaali yinanni gaara fushshisi.

KIIRO 23:2

Baalaaqino Beleaami kulinosi gede assi. Lamunku umu umunni mitto mittonka darga mitto mitto woraamonna mitto mitto ge'rechu goco kakkaltu.

KIIRO 23:29

Beleaamino, «7 kakkalote darga seekkite, 7 woraammanna 7 ge'reewu gocca qixxeessi» yiisi.

KIIRO 23:30

Baalaaqino Beleaami yiino gede assi. Mitto mittonka kakkalote darga mitto woraamonna mitto ge'rechu goco abbe kakkali.

KIIRO 29:32

«Lamalki barra muso afidhinokkire 7 middo, 2 ge'reewu goccanna mittu dirire 14 ge'reewu wilii'le shiqishshe.

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

YIHUDA 1:11

Qaayeeli doogo hadhinona, woxeho yite Beleaami so'ro giddo ubbinona, Qore gede qoxxissanno daafira ba'annona insara aanne'e!

UMI SAAMUEELI 15:22

Saamueeli, «Kaaliiqi, hajajamantenni roore fushshaatenna kakkalo baxannoha lawannoheni? Hajajama kakkalotenni, macciishsha ge'rechu goci coominni roortanno.