KIIRO 22:6 - Qullaawa Maxaafa

⁶ Kuni manni ninkera wolqankera aleenni ikkinohona, eeggakkiitina dagge rumi. Kunni garinni miteekkine qeelle gobbate aaninni hoo'lineeemmoha ikkannona. Ati maassi'roottohu maassamannota, rumoottohu kayinni rumamannota afoommo» yii.

KIIRO 22:6 ပူးပေါင်းရင်းမြစ်များ

KALAQAMA 12:3

Maassidhannohere maassi'reemmo; runtannohere rumeemmo; baattote aana heedhanno daga baalanti ate widoonni higge maassantanno.

KALAQAMA 27:29

Atera daga kumbuultohe; gosa soqqantohe; roduuwikki baalunkura roorricha ikki; amakki oosono kumbuultohe; runtannoheri rumantinore ikkito; maassidhannoheri maassantinore ikkito» yii.

UMI MOOTOOLLA 22:13

Hakko mereero woshshara marino sokkaanchi Mikaya, «Kuneeti wole himanaano baalanti mittu afiinni Akiaabi qeelannota kultanni no. Atino insa yitinota yiittoro woyyate» yiisi.

UMI MOOTOOLLA 22:6

Akiaabino 400 himanaano woshshe, «Mare Raamooti Katama qasonso aguro?» yee xa'minsa. Insano, «Kaaliiqi qeelle aannohena, marte qasi» yitusi.

UMI MOOTOOLLA 22:8

Akiaabino, «Mittu Yimila beetti Mikaya yinannihu noona, isi anera bushare ikkinnina danchare himanannokki daafira iso dibaxeemmo» yii. Iyosaafiixi qole, «Hatto yitooti!» yiisi.

NEHIMIYA 13:2

Insa ledo xaaddannokki gede hoolloonnihu, Israeele Gibitsetenni fultu yannara doogote aana heedheenna, sagalenna waa ho'litinonsahuraati. Hakkiino sa'e runsiissansara Beleaami woxunni hidhitino. Maganinke kayinni rumo maassote soorrino.

FAARSO 109:28

Insa runtuerono, ati kayinni maassi'rattoe; yuutteessitannoere shollishinsa; ane soqqamaanchokkino hagiirsiisie.

LAWISHSHA 26:2

Ka'anna kawa buubbanno cea gawajjitannokkinte gede, beebbatenni rummanni rumo assitannori dino.

HIZIQEELI 13:6

Ajuujansa dharaho; himaninsano kaphoho. Ani kuloommonsahu gede assite himana coyidhanno; ani kayinni disoommonsa. Hatti hakko heedheennanni yitinori wo'mannohu gede assite heddanno.

MIKIYAASI 6:5

Manna'ya, Moaabi moote Baalaaqi maricho hedino'neronna Bioori beetti Beleaami mayee qolinosiro wodanche. Konne duuchanka qaagge. Shixiiminni ka'ine Galgala hadhini doogora ikkinore baala qaagge. Konne duuchanka qaagginiro gatisammo'nera assoommore baala wodanchitinanni» yaanno.

KIIRO 22:12

Maganu qole Beleaami, «Insa ledo hadhooti. Israeelete manni maassaminohona runtooti» yiisi.

KIIRO 22:17

Galatakki seekke qoleemmohe; yiittore baala asseemmohe. Kunnira dagge konne manna rumie› yiino» yite kultusi.

KIIRO 23:13

Baalaaqi Beleaamira, «Kai, shiimu manni callu leellanno widoonni sa'neenna hakkiicho heedhe rumattona» yiisi.

KIIRO 23:27

Hakkunni gedensaanni Baalaaqi Beleaamira, «Kai hanni wolewa ha'nona; miteekke Kaaliiqi hakkiicho rumattora fajjannoha ikkannona» yiisi.

KIIRO 24:9

Tini gosa wolqaataamu doobbiichi gede ri'e agartanno; kisannonsahu ayeti? Maassi'rannonsahu maassamanno; rumannonsahu rumamanno!» yii.

SOQQAMAASINETE LOOSO 16:16

Mitto barra huuccattote dargira ha'nanni hee'ne, albillitte ikkara noore kiilunni kulanno ayyaana afidhinotenni mitte seemo soqqamaanchonni xaandummo. Tini beetto biillasera kiilunni lowo woxe gamba assitanno.

IYYAASU 24:9

Hakkunni gedensaanni, Moaabi moote Sefoori beetti Baalaaqi qasa'nera kaino. Ki'ne rumannosi gede Bioori beetti Beleaamiwa manna soqqino.

UMI SAAMUEELI 17:43

Filisxeemichu Daawiti, «Siqqo adhite daattoehu ani woshicho lawummohe?» yee magannasi su'minni rumisi.