KIIRO 22:12 - Qullaawa Maxaafa

¹² Maganu qole Beleaami, «Insa ledo hadhooti. Israeelete manni maassaminohona runtooti» yiisi.

KIIRO 22:12 ပူးပေါင်းရင်းမြစ်များ

KALAQAMA 12:2

Wolqaataame gosa asseemmohe; maassi'reemmohe; su'makki egennaminoha asseemmo; wolootahono maasso ikkatto;

LAYINKI DUDUWO 31:10

Saadooqi ilama ikkinohu qeesootu roorrichi Azaariyaasi, «Mannu Kaaliiqi Minira afansha abba hanafinkunni ikke gatanno geeshshi jajja afi'noommo. Kaaliiqi mannasi maassi'rino daafira kageeshshi jajji gatinonke» yii.

FAARSO 144:15

Kunni gari manni ba'raa'rinoho; Kaaliiqi Maganonsa ikkino manni ba'raa'rinoho.

FAARSO 146:5

Yaiqoobi Magani kaa'laanchosi ikkinosihuranna, Maganosi Kaaliiqa hexxino manchira tashshi yoosi.

ISAYAASI 61:9

Oosonsa gosate mereero, oosonsa oosono dagate giddo egennantinore ikkitanno; la"annonsahu baalu ani Kaaliiqi maassi'roommonsa gosa ikkitinota afanno» yii.

MIKIYAASI 6:5

Manna'ya, Moaabi moote Baalaaqi maricho hedino'neronna Bioori beetti Beleaami mayee qolinosiro wodanche. Konne duuchanka qaagge. Shixiiminni ka'ine Galgala hadhini doogora ikkinore baala qaagge. Konne duuchanka qaagginiro gatisammo'nera assoommore baala wodanchitinanni» yaanno.

KIIRO 22:11

Insano, ‹Gibitsetenni fulino manni baatto wo'mino. Konne manna dagge rumi. Miteekke hakkunni gedensaanni qase gobba'yanni fushshi'reemmoha ikkannona› yitine kulle yeenna dagginoreeti» yii.

KIIRO 22:13

Beleaami soodo gute Baalaaqi ledo gashshaanora, «Ledo'ne ha'reemmokki gede Kaaliiqi hoolinoena ki'ne gobba'ne hadhe» yiinsa.

KIIRO 22:6

Kuni manni ninkera wolqankera aleenni ikkinohona, eeggakkiitina dagge rumi. Kunni garinni miteekkine qeelle gobbate aaninni hoo'lineeemmoha ikkannona. Ati maassi'roottohu maassamannota, rumoottohu kayinni rumamannota afoommo» yii.

KIIRO 23:23

Israeele bita diamaddanno; gojuno di"iillannonsa. Wole gosano Israeelete mannire coyidhanni, ‹Kune Maganu assinonsare la'e› yitanno.

KIIRO 23:3

Hakkunni gedensaanni Beleaami Baalaaqira, «Kaaliiqi anewa daannotanna hoogannota mare afe higammo geeshsha, ati konniicho shilqote kakkalokkiwa agari; leellishinoere baala daye kuleemmohena» yiisi. Hakkunni gedensaanni Beleaami callichisi mittu gaari iimira fuli.

KIIRO 23:8

Maganu ruminokkire, ani hiitto asse rumeemmo? Kaaliiqi xiiwinokkire, ani hiitto asse xiiweemmo?

KIIRO 24:9

Tini gosa wolqaataamu doobbiichi gede ri'e agartanno; kisannonsahu ayeti? Maassi'rannonsahu maassamanno; rumannonsahu rumamanno!» yii.

MAATEWOOSI 27:19

Hakkunni gedensaanni Philaaxoosi yoote barcimira ofolle hee'reenna galtesi, «Isinni kainohunni ani ankarro haaqeete lowo geeshsha qarramanni galoommana, kunni keeraanchu manchi aana mittoreno assitooti!» yite sokka sokku.

ROOMU SOKKA 11:29

Maganu doorihunna eltosi uyihu gedensaanni assino coyira digaabbanno.

EFESOONI SOKKA 1:3

Gordu gobbara Kiristoosinni ayyaanaame maasso baala ee maassi'rinonkehu Mootichinke Yesuusi Kiristoosi Maganinna Anni galatamo!

MARRO 2:7

Anga'nenni assitinoonni coyi baalunkura Magani'ne Kaaliiqi lowo atoote uyino'ne. Tenne hala'lado halallitte gobbara raataabbini yanna baalate towatanni agarino'ne. Kunni shoyilluu diri wo'mu giddo Kaaliiqi ki'ne ledo noo daafira, xeino'neri mitturino dino.

MARRO 23:5

Ikkollana, Magani'ne Kaaliiqi Beleaami yiinota dimacciishshino. Magani'ne Kaaliiqi baxino'ne daafira rumo maassote soorrino'ne.

MARRO 28:6

«Ea'nenninna fula'ne baalantenni maassantinanni.

MARRO 33:29

Ki'ne Israeelete manni, hiitto baraadhinoonnireeti! Kaaliiqi wode gatisinohu, ki'ne gedee manni mama no? Kaaliiqi umisi gargadhitinanninna qeeltinanni gede, assitanno wonqootinna biseeti. Diinna'ne higgenke yitanni ki'newa dagganno; ki'neno kaddine aanansa uurritinanni.

MARRO 7:14

Gosa baalantenni roore ki'ne maassantinanni. Manni'ne giddo ilannokkihu saada'ne giddo qalannokkihu dihee'ranno.