KIIRO 21:7 - Qullaawa Maxaafa

⁷ Mannuno Musewa daye, «Kaaliiqinna ate aana busha coye coyi'rankenni sayinsoommona, hamaso aaninkenni hoolanno gede Kaaliiqa huuccinke» yii. Museno Kaaliiqa huucci.

KIIRO 21:7 ပူးပေါင်းရင်းမြစ်များ

KALAQAMA 20:17

Kaaliiqi Abirihaami galte Saara daafira yee, Abemeleeki mine noo meento baala ilannokki gede hoolinohura, Abirihaami Abemeleekiranna minisi mannira Magano huucci. Maganuno Abemeleeki, galtesinna irkote meentosi ilanno gede asseennansa ooso afi'ri.

KALAQAMA 20:7

Xa kayinni manchu galte qolte aguri; isi himanaancho ikkino daafira reyattokki gede aterano huuccannohe. Qola giwittoro kayinni reyattota afi; ate calla ikkittokkinni mannikki baalu ledo gooffinanni» yii.

UMI MOOTOOLLA 13:6

Iyorbiaami Maganu mancho, «Anga'ya darga higgannoe gede Maganokki Kaaliiqa huuccie» yiisi. Maganu manchino Kaaliiqa huucceennasi angasi darga higge albi gedeeta ikkitusi.

LAYINKI MOOTOOLLA 13:4

Hakkunni gedensaanni Iyoahaazi Kaaliiqa huucci'ri. Kaaliiqino Sooriyu moote Israeelete aana assino beebba lowo geeshsha batidhinota lae, Iyoahaazi huuccatto macciishshi.

IYYOOBI 42:10

Iyyoobi sasente jaallasi daafira huuccihu gedensaanni, Kaaliiqi layinkimeeshsho dureessa assisi; albinni roore lame ero ikkitanno jiro uyisi.

IYYOOBI 42:8

Xa kunnira lamala boottanna lamala ge'reewu gocca haadhine, borojjichi'ya Iyyoobiwa marre. Shilqote kakkalono umi'nera shiqishshe; borojjichi'ya Iyyoobi ki'ne daafira huuccannona, anino hambe'ne daafira qorichisheemmo'nekki gede, huuccattosi macciishsheemmo. Ki'ne borojjichi'ya Iyyoobi gede ane daafira taalo coye dicoyidhinoonni» yii.

FAARSO 106:23

Maganu mannasi hunara kaita, doorinosihu Muse mereeroho uurre, hunannonsakki gedenna hanqosino aguranno gede Magano huucci.

FAARSO 78:34

Insa giddonni gama shiita, gattinori isiwa higgino; aagintaabbanni iso huuccidhanno.

FULO 10:17

Xa mitte higginella sao'ya agurtine, tenne goofo aani'yanni hoolannoe gede Magano'ne Kaaliiqa huucce"e» yiinsa.

FULO 32:11

Muse kayinni Kaaliiqi Maganisira eegamanni, «Kaaliiqa'ya, jawanna wolqaataame angakkinni Gibitsetenni fushshootto mannira togo mayira hanqitto?

FULO 32:30

Muse layinki barra kae mannaho, «Ki'ne lowo cubbo loossinoonnina, miteekke eegama'ya lae cubbo'ne agurannoha ikkiro, hanni ani kayinni galagale ilaala Kaaliiqiwa mareemmo» yiinsa.

FULO 8:28

Feriooni daware, «Xeertidhine hadhinannikkiha ikkiro, halalla martine Magani'ne Kaaliiqira kakkaltinanni gede agureemmo'nena, anerano huucce"e» yii.

FULO 8:4

Beche'naama kukkubbitanni atewa, mannikkiwanna ledokki gashshaasine baalunkuwa dagganno yiino› yite kulisi» yii.

FULO 8:8

Ferioonino Musenna Aarooni woshshe, «Kaaliiqira kakkalanno gede manna'ne agureemmona, beche'naama anenna manni'ya aaninni hoolanno gede Kaaliiqa huucce"e» yiinsa.

ISAYAASI 26:16

Kaaliiqa, qarrantu yannara atewa daggino; seejjittonsa waro hashaashshe huuccidhino.

ERMIYAASI 15:1

Kaaliiqi, «Musenna Saamueeli huucciteennae nafa konne manna dimaareemmona, albi'yanni ho'lanno gede assi.

ERMIYAASI 37:3

Moote Sedeqiyaasi kayinni, «Maganonke Kaaliiqa huuccinke» yee Shelemiya beetto Yehukaalinna qeesicha Maiseya beetto Soffooniyaasi anewa soyi.

HOOSEI 5:15

«Loossino sao egente anewa higga geeshsha insawiinni horonta fafe ha'reemmo. Assitino saonni qarru bati'rinsaro, miteekkite hasidhannoeha ikkanno» yii.

KIIRO 11:2

Mannuno Musewa hige raari; Museno Kaaliiqa huucceenna giira xo'u.

MAATEWOOSI 27:4

«Keeraancho mancho reyote sayise aa'yara sao assoommo» yii. Insa kayinni, «Ninke mayi xiwinke! Umikki hajaati!» yitusi.

SOQQAMAASINETE LOOSO 8:24

Simioonino, «Xa coyi'ritto coyi giddonni mittuno iillannoekki gede Magano ki'nenni huucce"e» yii.

ROOMU SOKKA 10:1

Roduuwa'ya! Wodani'yara nooti lowo halchonna Maganoho shiqishi'reemmo huuccatto manni'ya Israeele gattanno gedeeti.

MARRO 9:20

Hatte yannara, Kaaliiqi Aaroonino shaara lowo geeshsha hanqino. Anino isi daafira yee Kaaliiqa huuccoommo.

YAIQOOBI 5:16

Kunnira hurtinanni gede cubbo'ne ki'ne ki'neneewa aagintaabbe; ku'u ku'unnira huucco. Keeraanchu manchi huuccatto, lowo guma uyitannota jawa wolqa afidhino.

UMI SAAMUEELI 15:24

Hakkunni gedensaanni Saaooli Saamueeli, «Cubbo loosoommo; Kaaliiqi hajajonna ati yoottore hunoommo. Olanto'ya waajje insa yitinore assoommo.

UMI SAAMUEELI 15:30

Saaoolino daware, «Cubbo loosa'ya halaaleho. Ikkirino ballo, manni'ya sooreeyyenna Israeelete manni baalu albaanni shollishshootie; Maganokki Kaaliiqa magansi'reemmona ledo'ya kai» yii.