KIIRO 21:2 - Qullaawa Maxaafa

² Hatte yannara Israeele, «Konne manna angankera sayisse uyittoro, ate daafira insanna katammansa co'o assine gundeemmo» yite Kaaliiqira xa'nitu.

KIIRO 21:2 ပူးပေါင်းရင်းမြစ်များ

KALAQAMA 28:20

Yaiqoobi, «Ati ane ledo hee'rittoro, tenne ha'reemmo doogora agarittoero, iteemmo sagalenna uddi'reemmo uddano uyittoero,

FAARSO 116:18

Mannikki baalu albaanni mare, atera xa'noommo xano uyi'reemmo.

FAARSO 132:2

Kaaliiqa ballo, atera coyi'rino qaalenna, Wo'manka Dandaattohura Yaiqoobi Maganira xa'nino xano qaagi.

UMI QORONTOOSI 16:22

Mooticha baxannokkihu hee'riro, rumaminoha ikko. Maaranaata - Mootichanke rakke amo!

MARRO 13:15

hakko katamira hee'ranno mannanna saada baala shitine gudde; katamansano co'o assitine hunne.

MARRO 13:16

Hakko kataminni qafaddine haadhinoonni uduunne baala songote xawira gamba asse. Katamanna giddosinni gamba assitinoonnire Magani'ne Kaaliiqira shilqote kakkalo assitine shiqishshe. Layinkimeeshsho minamannokki gede diigaminowa gatanno gede asse.

MARRO 20:16

«Ikkollana, Magani'ne Kaaliiqi iqqa asse aanno'ne katamma dagannite giddonni mittorichono gatissinikkinni shiiyye.

MARRO 7:2

Magani'ne Kaaliiqi anga'nera sayise aanno'ne yannaranna ki'neno insa qeeltinanni yannara, baalanka co'o assitine hunne. Insa ledo namoontinoonte; marartinoontensa.

IYYAASU 6:17

Katamunna giddosi noori baalu Kaaliiqira shiqinshanni kakkalo gede ikke goofa hasiissanno. Dooyyaanonke maaxxe gatissinohura, gunnitte Reaabinna minese noori callu gatona.

IYYAASU 6:26

Hatte yannara Iyyaasu, «Iyyaarkote katama galagalche minannohu hee'riro, Kaaliiqi rumo isi aana ikkitanno. Iso minate gaata darannohu, bayira beettosi hooganno. Waalchuwasi seekkannohuno, maa'nu beettisira reyo abbi'ranno» yee qorophisiisi.

EJJEETTO 11:30

Yofitaheno, «Amoonoota anga'yara sayisse uyittoero,

UMI SAAMUEELI 1:11

Iseno, «Wo'manka Dandaatto Kaaliiqa, ane borojjichokki qarra la'e hawittoekkinni qaagge labbaa beetto uyittoero, hee'ranno diro baala iso qole atera eemma; umisi dananchono horonta dimeendanni» yite xa'nitu.