KIIRO 20:2 - Qullaawa Maxaafa

² Hakkiicho wayi nookki daafira, mannu Musenna Aarooniwa shiqqi yee dayi.

KIIRO 20:2 ပူးပေါင်းရင်းမြစ်များ

FAARSO 106:32

Meriiba bu'a mule mannu Kaaliiqa hanqisisi; insanni kainohunni Muse qarru aana uwi.

FULO 16:12

«Israeelete manni gunguminoeta macciishshoommona, ‹Hawarro maala ittinanni; soodanno woyiteno hasidhini sagale duubbinanni; ani Magano'ne Kaaliiqa ikkoommotano affinanni yiino› yite kulinsa» yiisi.

FULO 16:2

Israeele baalanti halalla Museranna Aaroonira gunguntanni,

FULO 16:7

soodanno woyiteno Kaaliiqi ayirrinye leellishanno xawaabba la'inanni; ninke isi yiinore calla assineemmore ikkinoommo daafira, gunguntinoonnihu isiraati ikkinnina dininkeraati» yitunsa.

KIIRO 14:2

Israeele gudisante, «Gibitsete gobbara woy konniicho halalla reyine goonfoommoro woyyannonke» yitanni Museranna Aaroonira gungutu.

KIIRO 14:9

Kaaliiqiralla gara gibbinoonte; konne manna mittu qarri nookkiha qeelleemmona waajjitinoonte; Kaaliiqi ledonke noo daafira magannansa shawwu yitinona waajjitinoonte» yiinsa.

KIIRO 16:19

Hakkunni gedensaanni Qore manna baalanka gamba asse Dukkanu xullichira uurri yannara, Kaaliiqi ayirrinyisi xawaabba mannu baalunkura leellishi.

KIIRO 16:3

Musewanna Aarooniwa dagge, «Ki'ne quwa mayira sa'inanni? Mannu baalunku qullaawaho. Kaaliiqi ninke ledono noowe. Wo'munku coyira ki'ne calluwu albaanni mayira sa'inanni?» yitunsa.

KIIRO 16:42

Mannu Musenna Aarooni boroorara gamba yee hee're caaqqi yee la"anno woyite, gomichu Dukkana guggushshe noota afi. Kaaliiqihu ayirrinyu xawaabbino leelli.

KIIRO 21:5

Maganonna Muse, «Halalla reyinammora Gibitsete gobbanni mayira fushshitininke? Intanniri woy anganniri dino! Tenne busha sagale kokke cee'mitinonke» yite boroortunsa.