KIIRO 19:9 - Qullaawa Maxaafa

⁹ «Keeraa'mino manchi giirroonni addeha buluulo haa're qachu gobbaanni fushshe lagaawinokki darga masse worona. Hakkonne buluulo wayi ledo karsineenna keeraa'mate seerira kaa'lannoha ikkanno. Konne seera wonshinannihu cubbuwiinni keeraa'mateeti.

KIIRO 19:9 ပူးပေါင်းရင်းမြစ်များ

LEEWAAWOOTA 15:20

Godowu daannose yannara, goxxannowinna ofoltannowi baalu lagaawinoha ikkanno.

ZAKKAARIYAASI 13:1

Olantote Mootichi Kaaliiqi, «Hatte yannara, Daawiti sirchonna Yerusaalamete manni cubbo, qoleno kaphu maganna magansi'ratenni battaawansanni keereensitanno buicho fa'nantanno.

KIIRO 19:13

Mannu reeshsha amade bisosi hayishshi'rinokkihu ayino Kaaliiqi Dukkana lageessanno. Keereensanno waa winxoonnisikkihu lagaawino daafira, manni'ya ledo dikiiramanno. Lagono aanasi heedhanno.

KIIRO 19:17

«Lagaawino mancho keereensate, cubbo agursiinsara giirroonni addeha shiima buluulo maaqqete giddo tunge xalala buichote waa aanaho worrona.

KIIRO 19:18

Hakkunni gedensaanni keeraa'me noo manchi garambicho haa're hakko wayi giddo wore dukkanaho, giddosi noo uduunni baalahonna hakko noo mannira wixona. Wole widoonni hakku manchi, dukkanu gobbaanni mannu miqqa, moogo, shinoonniha woy dhiwame reyinoha kisannohura baalaho wixona.

KIIRO 19:3

Adde abbine qeesichu Aliaazaarira uyinona. Iseno qachu gobbaanni fushshine albasiinni gorrinona.

KIIRO 19:8

Adde giirino manchino imaanasinna bisosi hayishshi'rona; isino hawarra geeshsha seeru garinni lagaawe keeshshona.

KIIRO 6:12

Umosi qullaawa assi yannano Kaaliiqira baxxitinota ikkitona. Mittu diri goco sao agursiisate kakkalo asse shiqishona. Lagaawino daafira isonoo badinoti sa'ino yanna dikiirantanno.

KIIRO 8:7

Keereensatto woyite, keereensate yine qixxeessinoonni waa aanansa wixi; bisinsa danancho baala meexxite, imaanansa hayishshidhe seeru garinni keeraabbanno gede assi.

KIIRO 9:13

Kayinnilla mittu manchi lagaawikkinni woy xeerto doogo ha'rikkinni Mararrote Ayyaana ayirrisa hoogiro, manni'ya ledo kiiramoonke. Ane Kaaliiqi fushshaate yinoonni yannara shiqishinokki daafira cubbosi umisi duqqanno.

LAYINKI QORONTOOSI 5:21

Kiristoosinni Maganu keeraanchimma ikkineemmo gede, Maganu cubbo loose egenninokkiha Kiristoosa ninke daafira yee cubbaataamo asse kiirinosi.

LAYINKI QORONTOOSI 7:1

Kunnira baxillaasine'ya, tini hexxo heedhunke woyite, Magano waajjatenni co'onta qullaawoota ikkine manninatenna ayyaana batteessannori baaluwiinni umonke keereensi'no.

IBIRAAWOOTA 7:26

Qullaawu, mishamme nookkihu, fayyaaleessu, cubbaataammuwiinni baxxinohu, aliidi gordira aleenni noohu Qeesootu Qari ninkera malinohu isooti.

IBIRAAWOOTA 9:13

Meunna boottate mundeenna kakkalote giirroonni adde buluulo lagaawino manni aana finciniro, gobbayidi mannimma keereensite faansitanno.