KIIRO 19:7 - Qullaawa Maxaafa

⁷ Hakkunni gedensaanni qeesichu imaanasinna bisosi hayishshi're qacha higona. Kayinnilla hawarra geeshsha seeru garinni lagaawe keeshshona.

KIIRO 19:7 ပူးပေါင်းရင်းမြစ်များ

LEEWAAWOOTA 11:24

«‹Kunni woroonni noori reeshsha kisannohu baalu, hawarra geeshsha lagaawanno. Shoole lekka afi're hee'renni, hoowunni ha'rannori culunqa dadhaminokkirinna haanci'rannokkiri baalu, ki'nera battete. Reyiteenna kore duhannohu baalu, imaanasi hayishshi'rona; ikkirono hawarra geeshsha lagaawinoha ikkanno.

LEEWAAWOOTA 11:31

Kuri reeshsha kisannohu baalu, hawarra geeshsha lagaawinoho.

LEEWAAWOOTA 11:32

Hakkuri reeshshi aye uduunnichi aanano uwiro, hakko uduunni haqqunniha ikko, imaana, goga, woy dooniyyano ikkiro wayinni hayishshine fushshineenna, hawarra geeshsha lagaawinoha ikko.

LEEWAAWOOTA 11:39

«‹Intanni saada reeshsha kisinohu nafa, hawarra geeshsha lagaawinoho.

LEEWAAWOOTA 11:40

Aye manchino reyitino saada maala itironna duhiro, imaanasi hayishshi'rona; ikkirono hawarra geeshsha lagaawinoho.

LEEWAAWOOTA 14:46

«Hakkonne mine cunfe hee'neenna mare eannohu hawarra geeshsha lagaawinoho.

LEEWAAWOOTA 15:5

Tenne ma'na kisannohu baalu imaanasi hayishshi'rona; bisosino hayishshi'rona; hawarra geeshshano lagaawinoha ikkona.

LEEWAAWOOTA 22:6

Hattoore kisino qeesichi baalu, hawarra geeshsha lagaawinoho; biso hayishshi'rikkinni Kaaliiqita qullaawa sagale itoonke.

KIIRO 19:10

Addete buluulo gamba assanno manchi imaanasi hayishshi'rona. Isino hawarra geeshsha lagaawe keeshshona. Kunino Israeeletenna giddonsa hee'ranno mannira hegere seera ikkonsana» yii.

KIIRO 19:19

Keeraa'me noo manchi lagaawinohura sayikki woy lamalki barra waa wixosina; manchuno lamalki barra keeraa'manno. Hakku manchino imaanasinna bisosi hayishshi're arrishsho e'anno woyite keeraa'minoha ikkanno.

KIIRO 19:21

Kunino insara hegere seera ikkonsana. «Keereensanno waa wixanno manchi imaanasi hayishshi'rona. Keereensanno waa kisannohuno hawarra geeshsha lagaawanno.

KIIRO 19:22

Lagaawino manchi kisinori baalunku lagaawanno. Lagaawinoricho kisinohuno hawarra geeshsha lagaawanno» yii.

KIIRO 19:8

Adde giirino manchino imaanasinna bisosi hayishshi'rona; isino hawarra geeshsha seeru garinni lagaawe keeshshona.

IBIRAAWOOTA 13:11

Ayihudennihu qeesootu roorrichi cubbo agursiisate kakkalora saadate mundee haa're Qullaawu Holgira eanno; maala kayinni qachu gobbaanni giirranni.