KIIRO 18:8 - Qullaawa Maxaafa

⁸ Hakkunni gedensaanni Kaaliiqi Aaroonira, «Anera shiqinshanni fushshaati baalaho annimma oommohehu aneeti. Israeele shiqishshannoeha qullaawa fushshaate baala ateranna oosokkira qeecha asse oommo'ne.

KIIRO 18:8 ပူးပေါင်းရင်းမြစ်များ

LAYINKI MOOTOOLLA 12:16

Cubbunna saote kakkalo daafira uyinanni woxe kayinni qeesootaho uyinannita ikkinnina Qullaawu Mini saaxine giddo diworranni.

LAYINKI DUDUWO 31:4

Qoleno qeesootunna Leewaawootu yannansa gudisse uyite Kaaliiqi Seerira kulloonni coye wonshitanno gede, Yerusaalamete manni insara hasiisannore baala aanno gede hajaji.

LAYINKI DUDUWO 31:5

Israeelete manni Hiziqiyaasi yiino coye macciishshanni hee'renni gidunni, haaro woyinete xajjenni, ejersu zayitenni, malawunninna wolu jajji giddonni umiha baala hagiidhanni halashshe abbe uyi. Noonsa jajji baalunku giddonni tonnunni mitte angano abbe uyi.

FULO 28:43

Sao ikkeennansa reyitannokki gede, Qullaawa Mine soqqantara kakkallanni dargira martanno woyite konne imaana uddidhona; kunino Aarooniranna ilamasi baalantera woga ikkonsana.

FULO 29:21

Kakkallanni darga noo mundeenna buurranni zayite haadhe, Aarooninna imaanisi aana, hattono oososinna imaaninsa aana wixi. Hakkunni gedensaanni, Aarooni, oososinna imaaninsano anera baxxinoha ikkanno.

FULO 29:28

Israeele mittimmate kakkalo shiqishidhanno woyite, rachonna qiniitichu tafi hegere geeshsha qeesootu qeechaati. Kuni, Israeele ane Kaaliiqira uyidhanno fushshaateeti.

FULO 29:29

«Qullaawu Aarooni imaani isi gedensaanni oososi bande qeesimmate buurranni yannara insaha ikkona.

FULO 40:13

Aaroonira qullaawa imaana uddisiisse qeesimmatenni soqqamannoe gede zayite buurte anera qullaawa assi.

FULO 40:15

Qeese ikkite soqqantannoe gede annansa buuritto gede assite insano buuri; tini qeesimmate buurama ilamate ilamara woga ikkitanno» yiisi.

ISAYAASI 10:27

Hatte yannara ki'ne Asoorootu gadadishshinni fushsheemmo'ne. Hakkunni gedensaanni du'mitinanni daafira qambaru haxo'nenni hiiqqamanno ikkinnina aana'ne dihee'ranno» yaanno.

LEEWAAWOOTA 21:10

« ‹Roduuwisiwiinni bande zayite dunnoonnisihunna qeesimmate uddano uddi'ranno gede buurroonnihu qeesootu roorrichi shii'rinota leellishate dananchosi meexxoonke; woy uddanosi dadhoonke.

LEEWAAWOOTA 23:20

Qeesichuno lamenka ge'reewu wilii'le umi timi ledo, addi kakkalo asse anera shiqishona; tini anera qullaawa kakkalo ikkitino daafira qeesichu qeechaati.

LEEWAAWOOTA 6:16

Hakkiinni gatinoha qeesootu ittona; tima shiishikkinni ganneenna, Xaadu Dukkani qooxeessira ofolte ittona. Ani konne gidu fushshaati gede qeesootaho qeechansa asse oommo. Kunino lowo geeshsha qullaawaho.

LEEWAAWOOTA 6:18

Dagganno ilamara, ayino Aarooni sircho ikkinohu labbaahu baalu konne tima ita dandaanno. Tini anera shilqinshanni kakkalooti; qeesoota agurranna konne kisannohu baalu lagaawanno» yii.

LEEWAAWOOTA 6:20

«Aarooni sirchi qeesimmate buuramanno barra, anera wo'manka woyite gidu fushshaatira shiqinshanni geeshshita mitte kiilo liiqo bullee, darate soodo, darate hawarro shiqishona.

LEEWAAWOOTA 6:26

Kakkalo shiqishanno qeesichi intara fajjinoonniha Xaadu Dukkani gaangaawira tenne hajora bandoonni darga masse itona.

LEEWAAWOOTA 7:14

Shoolunku gari timma aaninni mitto mitto haa're, anera addi kakkalo asse shiqishona; tenne timmano, mittimmate kakkalo mundee kakkallanni darga wixanno qeesichira uyinona.

LEEWAAWOOTA 7:28

Kaaliiqi Musera,

LEEWAAWOOTA 7:6

Qeesootu sircho ikkinohu labbaahu baalu tenne kakkalo ita dandaanno; lowo geeshsha qorombanniha ikkino daafira, Xaadu Dukkani mule tenne hajora hendoonniwa qullaawa darga massite ittona.

LEEWAAWOOTA 8:30

Qoleno Muse shiima buurranni zayitenna kakkallanni darga noota shiima mundee haa're, Aarooninna oososi aana, qoleno uddanonsa aana wixi; hatto assatenni Muse insanna uddanonsa Kaaliiqira baxxitinore assi.

KIIRO 18:9

Anera shiqinshannihu qullaawu fushshaati baalu giddonni shilqinshannikkihu ki'ne qeechaati. Qullaawa assite shiqishshannoehu gidu fushshaatino ikko cubbo woy sao agursiisate daafira shiqinshanni kakkalo aaninni haa'nannihu baalu atenna oosokki qeechaati.

KIIRO 5:9

Israeele shiqishshannoha qullaawa fushshaate baalanka qeesichaho uyinona.

UMI QORONTOOSI 9:13

Qullaawa Mine soqqantannori ittannore hakkiinni adhitannotanna kakkalote darga soqqantannori, ittannore hakkiinni beeqqitannota diaffinoonni?

MARRO 12:11

Hakkunni gedensaanni, Magani'ne Kaaliiqi su'misi galannowa ikkanno gede doodhanno darga, hajajeemmo'nere baalanka: Shilqote kakkalonna wole kakkalo, tonnunni mittonna baxxine uyitinanni afansha, hattono Kaaliiqira xa'nitinoonniha ayirrado coye baala hakkiira abbitinanni.

MARRO 12:6

Hakkiirano shilqote kakkalonna wole kakkalo, tonnunni mitto, fushsho, baxxine uyitinanni afansha, xano, lalunniha, ge'reewunnihanna meunniha umo qalaminoha baala abbe.

MARRO 18:1

«Leewaawoota ikkitino qeesooti, Leewi sirchi baalunku Israeelete manni ledo baattote qeecha woy iqqa diadhitanno. Qeechinsa hakkonne ikkino daafira, Kaaliiqira shiqanno fushshaate ittona.

MARRO 26:13

Hakkunni gedensaanni, mitti mitti'ne Magani'ne Kaaliiqira, ‹Oottonke hajajo garinni ate Kaaliiqira bandoommohunni mittorichono gatinsummokkinni Leewaawootaho, manni gobba mannira, annunna ama noonsakkiriranna gunnootaho uyinoommo. Hajajokki baala wonshinoommo; mittorichono dihamboommo.

IBIRAAWOOTA 1:9

Keeraanchimma baxootto; bunshe giwootto; kunnira, Maganu Maganikki, jaallakkinni roorse hagiirru buuro buurinohe» yaanno.

UMI YOHAANNISI 2:20

Ki'ne kayinni Qullaawu buurino'ne; kunnira ki'ne duuchankare egentinoonni.

UMI YOHAANNISI 2:27

Isiwiinni adhitinoonnihu buuranno Ayyaani giddo'ne hee'ranno daafira, wole rosiisaancho dihasiisanno'ne; isi Ayyaani duuchankare rosiisanno'ne. Rosiisanno'neri halaaleho ikkinnina kapho di"ikkino; ki'neno rosiisino'ne garinni isinni heedhe.