KIIRO 18:7 - Qullaawa Maxaafa

⁷ Ikkollana kakkalote darginna Qullaawu Holgi giddo soqqansho baala qeesimmatenni soqqantinanniri ateetinna oosokkiiti. Qeesimmate soqqansho ki'nera afansha asse oommo'ne. Ki'ne agurranna hakkiichira shiqqi yaannohu reyanno» yiisi.

KIIRO 18:7 ပူးပေါင်းရင်းမြစ်များ

FAARSO 115:10

Ki'ne Kaaliiqi qeese, kaa'lanno'nehunna agaranno'nehu iso ikkinohura, Kaaliiqa addaxxe.

FULO 28:1

«Rodookki Aarooninna oososi Naadaabi, Abihu, Aliaazaarinna Itaamaari Israeelete manni giddonni badde qeese ikkitannoe gede atewa shiqqi assi.

FULO 29:9

Hallu uddano xaaxxe, seeda koffiyano umoho worinsa; qeesimmano geedonnita ikkitannonsa; kunni garinni Aarooninna oososi qeese assatto.

HIZIQEELI 44:15

Mootichu Kaaliiqi, «Wolu Israeelete manni ane giwe albi'yanni fafita, Qullaawa Mine ammanamatenni anera soqqantanni heedhinorinna Leewi ga'renni Saadooqi ilama ikkitino qeesooti no. Insa kakkalote coomanna mundee shiqishatenni alba'yaanni uurrite soqqantaera dandiitanno.

HIZIQEELI 44:16

Magansidhara daggannore kaa'latenni, kakkalo'ya darga anera soqqantara Qullaawu Mini'yara ea dandiitannori insaatilla.

HIZIQEELI 44:8

Woga'ya ayirrisa agurte, Qullaawu Mini'ya giddo wole gobba mannira annimma uyitino.

LEEWAAWOOTA 16:2

«Ani maarote barcimi aana gomichunni leelleemmona, rodiikki Aarooni dukkote giddo Qullaawa Holge Taabootu aana noohuwa maarote barcimiwa hasiisanno yannara calla eanno gede kulisi. Hajajama giwiro kayinni reyanno.

LEEWAAWOOTA 7:35

Qeesimmatenni Kaaliiqira soqqantara shiqqanno barrinni kayise, Kaaliiqira shilqote kakkalora shiqinshoonnihu aaninni Aarooniranna sirchisira uyinannihu qeechu seeri aane nooho:

KIIRO 1:51

Heedhinoonni darga agurtine hadhinanni yannara, Leewaawootu callu Dukkana noowiinni kayisse haaru qachira massite qassanno; insa agurranna Dukkanunniwa shiqqi yaannohu baalu reyo.

KIIRO 16:40

Konne assinohuno Kaaliiqi Muse widoonni qole hajajino garinniiti. Kunino Aarooni sircho agurranna wolu ayino Kaaliiqi albira shiqe hixaana giirannokki gedenna, giwe sairo kayinni Qorenna ledosi manni gede ikkannota kulle Israeele qorophisiisateeti.

KIIRO 18:20

Kaaliiqi Aaroonira, «Israeelete baatto aaninni iqqa diadhatto; insa ledo beeqqattori wolirino dinohe. Israeelete mereero atera qeechikkinna iqqikki aneeti.

KIIRO 18:3

Annimma ate anga heedheenna insa Dukkanu giddo soqqantona. Ikkollana Qullaawa darga noo uduunnenna kakkalote uduunnicho kissoonke; kissuha ikkiro kayinni insano ki'neno reyitinanni.

KIIRO 3:10

Qeesimmate soqqanshora Aarooninna oososi wori; insa agurranna Dukkanunniwa shiqqi yaannohu reyo» yii.

KIIRO 3:38

Muse, Aarooninna oososi soojjaati ragaanni Qullaawu Dukkanira albaanni heedhanno. Insa Qullaawa Darga Israeelete manni daafira assinanni coye baala towattanno. Insa agurranna, hakkiira shiqqi yaannohu wolu manni kayinni reyanno.

MAATEWOOSI 10:8

Dhiwantinore hurse; reyitinore kayisse; taraawannoha gogu dhibba afidhinore keereense; durriisano fushshe. Calla adhitinoonnire calla uuyye.

YOHAANNISI 3:27

Yohaannisino, «Mannu Maganu uyisikkinni mittorichono diafi'ranno.

EFESOONI SOKKA 3:8

Ani Maganu manni baalaho woriidiha ikkummorono, dannu nookkita Kiristoosi jiro Dagate kuleemmo gede tenne elto uyinoonnie.

MARRO 18:2

Roduuwinsa mereero baattote iqqi dihee'rannonsa. Uyinonsa hexxo garinni insara Kaaliiqi iqqansaati.

IBIRAAWOOTA 5:4

Aarooni gede Maganu woshshinosiha agurranna, ayino konne ayirrinye umisinni adha didandaanno.

IYYAASU 18:7

Ikkollana, Leewaawootaho qeechinsa qeesoota ikkite Kaaliiqira soqqama ikkitino daafira, wolootu ledo baattote iqqi dihee'rannonsa. Roobeelinna Gaadi, hattono Minaase ga're darateho Yordaanoosi Wayira soojjaati ragaanni Kaaliiqi soqqamaanchi Muse uyinonsa baatto balaxxe ragidhino» yii.

UMI PHEEXIROOSI 5:2

Eeggo uyinoonni'neta Maganu hoshsha allaalle; allaaltinanni woyiteno Maganu hedo garinni baxxine allaalle; woxeho hagaagatenni ikkikkinni, soqqamate noo'ne halchonni ikkona.

UMI PHEEXIROOSI 5:3

Hoshshate dancha lawishsha ikke ikkinnina, eeggo uyinoonni'nere gadadissine wolqatenni gashshitinoonte.

UMI SAAMUEELI 2:28

Qeesicha'ya ikke, kakkalote darga mare kakkalannoe gede, hixaana giirannoe gedenna alba'yaanni gagasu uddano uddi're soqqamannoe gede, Israeelete ga're baalante giddonni annakki Aarooni dooroommo. Qoleno Israeele shilqote shiqishshanno fushshaate baala isi minira oommo.