11 Museno Kaaliiqi yiino gede assi.
Katamaho hee'rannohu manni'ne manna shee, woy seera sae, hajajo diige, woganna wodho hune Kaaliiqi aana sao assannokki gede kulle. Hatto assa hoogginiro kayinni hanqisi ki'nenna roduuwi'ne aana dirranno. Hatto assitiniro saotenni gattinanni.
«Meichu gocono mannu kakkalo cubbunnitera gorrona; mundeeno dukkote giddora Qullaawu Holgira masse, middichu mundee assinte gede, maarote barcimira albaanninna Gondooru Taabootira albaanni wixona.
Togo assatenni Qullaawa Holge keereense, Israeelete battenna bunshensa baala agursiisanno. Konne assannohuno, Xaadu Dukkani lagaawinohura mannu hee'ranno qachi giddo noo daafiraati.
Maala hinkotenni qassanni heedheennanni Kaaliiqi hanqi aanansa buwi. Kaaliiqino lowo qoomaminni ganinsa.
Kaaliiqi Musera, «Kuni haxawarru Israeelete manni anera gunguma agura giwiro, reyannota qorophisiisate Aarooni siqqo galagalchite Taabootu albaanni massite wori» yiisi.
Hakkunni gedensaanni Israeele Musera, «Kune baalunku reyine goonfammoraati!
