KIIRO 16:5 - Qullaawa Maxaafa

⁵ Hakkunni gedensaanni, Qoreranna ledosi noorira baalaho, «Isiha ikkinohunna qullaawu ayetiro Kaaliiqi ga'a soodo badanno. Isiwa gamba yee soqqamara doorinohu ayetirono leellishannonke.

KIIRO 16:5 ပူးပေါင်းရင်းမြစ်များ

FAARSO 105:26

Hakkunni gedensaanni, soqqamaanchosi Musenna, doodhinoha Aarooni soyi.

FAARSO 115:10

Ki'ne Kaaliiqi qeese, kaa'lanno'nehunna agaranno'nehu iso ikkinohura, Kaaliiqa addaxxe.

FAARSO 65:4

Ati dooroottohura, Qullaawa Darga hee'rara woshshoottosihura tashshi yoosi; duushshannonke atooti Qullaawu Minikki giddonni fulannoho.

FULO 28:1

«Rodookki Aarooninna oososi Naadaabi, Abihu, Aliaazaarinna Itaamaari Israeelete manni giddonni badde qeese ikkitannoe gede atewa shiqqi assi.

FULO 28:41

Hakkunni gedensaanni, rodiikki Aarooniranna oososira uddisiisi; qeesimmatenni soqqantannoe gede buurte, qineessite qullaawoota assi.

FULO 28:43

Sao ikkeennansa reyitannokki gede, Qullaawa Mine soqqantara kakkallanni dargira martanno woyite konne imaana uddidhona; kunino Aarooniranna ilamasi baalantera woga ikkonsana.

ERMIYAASI 30:21

Ilama'ne ikkinohu gashshanno'ne; umi'ne fiixa ikkinohu gashshanno'ne; isono anewa shiqqi yaanno gede woshsheemmosi; ani woshshummokkinni anewa shiqqi yee afannohu nooni?

ERMIYAASI 49:19

Yordaanoosi mule noo dubbi giddonni fule, daffitino kalo giddora eanno doobbiichi gede ikke, hedeweelcho daye Edoomoota shorre, hasi'roommoha shoomeemmo. Hoolannoehu ane gedeehu ayeti? Ittisannoe gashshaanchino hiikkonneeti?

ERMIYAASI 50:44

«Yordaanoosi mule noo dubbi giddonni fule, kalloonni hayisso giddora eanno doobbiichi gede ikke, hedeweelcho daye Baabiloonoota shorre, hasi'roommoha shoomeemmo. Hoolannoehu ayeti? Ane gedeehu nooni? Ittisannoe gashshaanchino hiikkonneeti?

HIZIQEELI 40:46

Alba aliyyera higge noo kifile kayinni, kakkalote darga soqqantanno qeesooti qixxaabbannowaati. Qeesootu baalu Saadooqi sirchinni ilantino Leewaawootaati. Kaaliiqi albaanni uurrite soqqantara fajjinoonnisari insa calluwaho» yiie.

HIZIQEELI 43:19

Alba'yaanni uurrite anera soqqama dandiitannori Leewi ga're ikkitinori Saadooqi sirchinni ilantino qeesoota callaho. Ani Mootichu Kaaliiqi kuni coyi ikkanno gede hajajoommo. Cubbo agursiisate kakkaltanno gede insara 1 middicha aattonsa.

HIZIQEELI 45:4

Qullaawa Mine Kaaliiqira soqqantara doorantino qeesootira badame gobbate giddo qullaawa qoqqowo ikkanno. Kunino, qeesootu heedhanno minnanna Qullaawu Minira hendoonni qoqqowo baala mitteenni amadanno.

LEEWAAWOOTA 10:3

Museno Aaroonira, « ‹Kaaliiqi soqqamannoehu baalu qullaawa ikka'ya ayirriso; anino manni'yara ayirrinye'ya leellisheemmo› yiino coyi konneeti» yiisi. Aarooni kayinni, mittoreno didawarino.

LEEWAAWOOTA 8:2

«Aarooninna labballi oososi Xaadu Dukkani xullichira massitine, qeesimmate uddano, buurranni zayite, cubbu kakkalora booto, 2 ge'rechu goconna shiishinokki tima aanaho worroonni masoowe haadhine abbe;

MILKIYAASI 3:18

Hatte yannara anera soqqamannoehura danchu manchira assinannisi danchummanna soqqamannoekkihura bushu manchira iillannosi qarra manni'ya la"anno» yaanno.

KIIRO 16:3

Musewanna Aarooniwa dagge, «Ki'ne quwa mayira sa'inanni? Mannu baalunku qullaawaho. Kaaliiqi ninke ledono noowe. Wo'munku coyira ki'ne calluwu albaanni mayira sa'inanni?» yitunsa.

KIIRO 16:6

Ga'a soodo atinna ledokkiri baalu hixaanunnihanna giirate baccicho haadhine amme.

KIIRO 17:5

Hatte yannara, ani dooreemmo manchi siqqo ciirtanno. Israeele ki'nera gunguntanno gunguma hakko gawa'litanno gede asseemmo» yii.

KIIRO 17:8

Layinki soodo Muse Dukkanu giddora eanno woyite, Leewi ga're su'minni shiqinshoonniti Aarooni siqqo ciirte noota afi. La"anno woyite ciira calla ikkitukkinni gubbe daraarte kookete guma laalte no.

YOHAANNISI 15:16

Anilla ki'ne dooroommo'ne ikkinnina, ki'ne ane didoodhitinoonnie. Hadhine batinye guma laaltinanni gede, gumi'neno ba"annokki gede shoomoommo'ne. Kunnira ane su'minni huuccidhinannire baala Anni'ya aanno'ne.

SOQQAMAASINETE LOOSO 1:2

gordo fuli barri geeshsha nooreeti. Gordo fulinohu, doodhinonsa soqqamaasinera Qullaawu Ayyaaninni hajajo uyinsahu gedensaanniiti.

SOQQAMAASINETE LOOSO 1:24

Hakkunni gedensaanni, «Mannu baalu wodana afattohu Mootichanke, kunni lamunku giddonni hiikkonne doodhoottoro leellishinke.

SOQQAMAASINETE LOOSO 13:2

Insa Maganoho soqqantanni, ita aga agurte heedheenna Qullaawu Ayyaani, «Ani doodhoommo loosira Barnabaasinna Saawuli badde"e!» yiinsa.

SOQQAMAASINETE LOOSO 15:7

Lowo yanna hasaabbuhu gedensaanni Pheexiroosi kae, «Roduuwa'ya, daga ane widoonni Dancha Duduwo macciishshite ammantanno gede, kunni albaanni ki'ne mereerinni Maganu ane doorinoeta egentinoonni.

SOQQAMAASINETE LOOSO 22:14

Isi qole, ‹Annuwanke Magani isi hedinore afattora, Keeraancho Soqqamaanchosi afattoranna huurosi macciishshattora balaxe doorinohe.

EFESOONI SOKKA 2:13

Ki'ne bashsho faffine heedhinoonni. Xa kayinni Kiristoosa Yesuusa amma'nitine mundeesinni gamba yitinoonni.

LAYINKI XIMOOTEWOOSI 2:19

Ikkollana, «Mootichu isire ikkitinore afino» qoleno, «Mootichu su'ma ganannohu baalu bunshetewiinni xooqo» yitannoti shashshafantannokkiti Maganu safo sigiigge heedhanno.

IBIRAAWOOTA 12:14

Mannu baalu ledo keere hee'ratenna qullaawoota ikkate jawaatte! Qullaambe nookkiha ayino Kaaliiqa la"a didandaanno.

YOHAANNIS AJUUJA 1:6

Maganu Annisira soqqammeemmo gede qeesootu gashshoote assinonkehura, Yesuusi Kiristoosira hegere hegerera ayirrinyunna wolqa ikkitosi! Hamii'ni!

UMI SAAMUEELI 2:28

Qeesicha'ya ikke, kakkalote darga mare kakkalannoe gede, hixaana giirannoe gedenna alba'yaanni gagasu uddano uddi're soqqamannoe gede, Israeelete ga're baalante giddonni annakki Aarooni dooroommo. Qoleno Israeele shilqote shiqishshanno fushshaate baala isi minira oommo.