KIIRO 15:4 - Qullaawa Maxaafa

⁴ Kakkalo haa're shiqishannohu mitte litire ikkitannotenni ejersu zayitenni liinsoonnita mitte kiilo bullee haa're abbona.

KIIRO 15:4 ပူးပေါင်းရင်းမြစ်များ

IZIRA 7:17

«Kunni woxinni middo, jajjabbanna manaadda ge'reewu gocca, gidu fushshaatenna agattote fushshaate hira habbooti. Konne baalanka massite Yerusaalamete Magani'ne Mine kakkalote darga massitine kakkalle.

FULO 29:40

Mittu goci ledo mitte kiilo ikkitannota fila qamadete bullee mitte litire xalala zayitenni liinsoonnitanna anganniri fushshaatira mitte litire woyinete xajje shiqishi.

ISAYAASI 66:20

Insa roduuwa'ne baala gobba gobbantenni farado, faradi gaare, gaare, gaangootanna gaala gulufisiisse anera afanshu gede assite Qullaawu Ilaali'yawa Yerusaalame haadhe abbitannoe. Insa haadhe abbitanno Israeelooti gidu fushshaate lagaawinokki uduunnichira worre anera Qullaawu Minira haa'ne abbinannihu gede assite uyitannoe.

HIZIQEELI 46:14

Hattono, 2 kiilo bullee, 1 litire zayite ledo liinse soodo soodo shiqinshona. Anera shiqinshannihu tenne kakkalo seeri disoorramannoho.

LEEWAAWOOTA 1:13

Godowirenna dadubba wayinni hayishshona. Qeesichu fushshaate baala abbe kakkalote darga shilqishona. Tenne shiqinshanni kakkalo shilqonnite fooli anera tashshi yaannoha ikkanno.

LEEWAAWOOTA 14:10

«Settikki barra, muso afidhinokkire 2 ge'rechu goccanna 1 diri ge'recho shiqishona; hattonni gidu fushshaatira, zayitetenni liinsoonnita 3 kiilo liiqo bulleenna 1 buttu'le zayite shiqishona.

LEEWAAWOOTA 2:1

«Aye manchino ane Kaaliiqira gidu fushshaate abbanno yannara, liiqaabbino bullee shiqishe, aanaho zayite dune hixaana giirona.

LEEWAAWOOTA 2:15

Gidu fushshaatira, zayitenna hixaana aanaho worre.

LEEWAAWOOTA 23:13

Anera giirre shiqinshannihu foole su'naanno gede, 2 kiilo liiqo bullee zayitetenni liinseenna, gidu fushshaatira shiqishshe; 1 litire woyinete xajje agattote fushshaatira shiqishshe.

LEEWAAWOOTA 3:7

Ge'recho kakkaltinanniha ikkiro, haadhine Xaadu Dukkani xullichira abbe;

LEEWAAWOOTA 6:14

«Gidu fushshaate shiqinshanni seeri kunninni aane nooho: Aarooni sircho ikkino qeesichi gidu fushshaate kakkallanni dargira albaanni albi'yara haa're shiqishona.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

KIIRO 28:12

Mittu mittunku middichi ledo gidu fushshaatira ikkitannota sase sase kiilo liinsoonni bullee shiqishshe. Ge'rechu goci ledo liinsoonnita 2 kiilo bullee shiqishshe.

KIIRO 28:4

Mitto soodo, mitto hawarro shiqishshe.

KIIRO 29:6

Kuri baalu yinoonni garinni gidunna agattote fushshaati ledo barru barrunkunninna aganu aganunkunni shiqinshanni kakkalo shilqonnite aana lende ane Kaaliiqira su'niitanno kakkalo assine shiqinshannireeti.

ROOMU SOKKA 15:16

Maganu tenne elto uyinoehu Dancha Duduwo Dagate kulanni, qeesichu gede ikke Yesuusi Kiristoosira soqqamammoraati. Kunnira, Daga Qullaawu Ayyaaninni qullaawoota ikkite Magano hagiirsiissanno kakkalo ikkitanno gede assateeti.

IBIRAAWOOTA 13:16

Dancha coye assanna afidhinoonnire woleho beeha habbinoonte. Magano hagiirsiissannoti hattoo kakkalooti.

EJJEETTO 9:9

Ejersuno, ‹Haqqete aana lenqe yaammora yee Maganunna mannu ayirrannota zayite'ya aa aguroni?› yiino.