KIIRO 12:6 - Qullaawa Maxaafa

⁶ Kaaliiqi, «Ani yeemmore macciishshe. «Kaaliiqi himanaanchi giddo'ne hee'riro, ajuujatenni leelleemmosi; haaqeetennino coyi'reemmosi.

KIIRO 12:6 ပူးပေါင်းရင်းမြစ်များ

KALAQAMA 15:1

Hakkunni gedensaanni Kaaliiqi Abiraamira ajuujatenni, «Abiraami! Waajjitooti; wonqo ikke dano baalantenni agareemmohe; lowo maassono eemmohe» yaanna macciishshi.

KALAQAMA 20:7

Xa kayinni manchu galte qolte aguri; isi himanaancho ikkino daafira reyattokki gede aterano huuccannohe. Qola giwittoro kayinni reyattota afi; ate calla ikkittokkinni mannikki baalu ledo gooffinanni» yii.

KALAQAMA 28:12

Haaqeete baattotenni kae gordo iillino taqa afi; taqu aanaanni higge Maganu sokkaasine gidditanninna dirritanni no.

KALAQAMA 28:16

Yaiqoobino goxanotenni kae, «Anilla diafoommona, halaalinta konne darga Kaaliiqi no» yii.

KALAQAMA 37:5

Mitto hashsha Yooseefi haaqee haaqii'ri; haaqee kulinsata roduuwisi albinni roore gibbusi.

KALAQAMA 37:9

Qoleno wole haaqee haaqii're roduuwisira, «Kuneeti wole haaqeeno haaqii'roommo; arrishsho, aganunna 11 beeddahe umonsa heeshshi assite ayirrissannae afoommo» yee kulinsa.

KALAQAMA 46:2

Maganu hashsha ajuujatenni, «Yaiqoobi! Yaiqoobi!» yee woshshisi. Isino, «Mooticha'ya macciishsheemmona coyi'ri» yii.

LAYINKI SAAMUEELI 7:4

Hakko hashsha kayinni Kaaliiqi Naataanira,

UMI MOOTOOLLA 3:15

Selemooni goxanotenni baqqi yii yannara, Kaaliiqi haaqeete daye hasaawisinosita wodanchi. Hakkunni gedensaanni galagale Yerusaalame hige, Kaaliiqi Taabooti albaanni uurre shilqonnitanna mittimmate kakkalo Kaaliiqira shiqishi. Ledosi gashshaano baalanterano jila jili.

UMI MOOTOOLLA 3:5

Hakko hashsha Kaaliiqi Selemoonira haaqeete, «Ma aammohera hasi'ratto?» yee xa'misi.

IYYOOBI 33:15

Hashsha mannu takki yee goxe hee'reenna, Maganu haaqeetenninna ajuujatenni coyi'ranno.

IYYOOBI 4:13

Tini hashsha haaqii'roommo haaqee, lowo goxano amaddino manchi gede assite jawaawurrissinoe.

FAARSO 105:15

«Doorantinore soqqamaano'ya gawajjitinoonte; himanaano'yano kissinoonte» yee qorophisiisino.

FAARSO 89:19

Bi're ammanantino soqqamaanokkira, ajuujatenni coyi'dhanni, «Gashshoote'ya bareedu anga woroommo; mannu mereerinni doodhoommoha gotti gotti assoommosi.

FULO 7:1

Kaaliiqi Musera, «Ani ate Ferioonira Maganu gedeeha assoommohe; rodiikki Aarooni atera himanaancho ikke coyi'ranno.

ERMIYAASI 23:25

Ane su'minni kapho himantannori yitinore afoommo; ‹Haaqii'noommo; haaqii'noommo› yitanno.

ERMIYAASI 23:28

Haaqii'rannohu, haaqeesi kulollana; ani kuloommosire kulannohuno coyi'rolla; galawunna gumu mitto ikkinoni?

HIZIQEELI 1:1

Sajjiikki diro shoolki aganira ontikki barra, Baabilooni gobbara Kebaari Wayi mule Yihudunni qafadantinori ledo hee're gordu fa'nameenna, Magano ajuujatenni afoommo.

DAANIEELI 10:8

Ani tenne dhaggete ajuuja la"anni calli'ya gatoommo. Wolqa baala ba'eennae daafure waa ikkoommo; albi'ya bande anfannikki gede ikke soorramino.

DAANIEELI 2:19

Hakko hashsha maaxamino coyi Daanieelira ajuujatenni leellisi. Kunnira Daanieeli gordu Magano galaxxanni:

DAANIEELI 7:1

Baabilooni moote Belshaatsaari moohihunni umi diro ani Daanieeli hashsha goxe hee're haaqee haaqii'roommo; ajuujano afoommo. Afoommo coye baalano borreessoommo. Kuni coyino aane nooho:

DAANIEELI 8:2

Elaami awuraajjira kinchunni huxxinoonnihu dannawunnihura Suusa Katamira Ulayi Wayi mule uurre hee're ajuujatenni anenee afummo.

HOOSEI 12:11

Kuni baalu ikke hee'reennanni Geleaadi gobbara kaphu magannara kumbuultanno. Kaphu magannara kumbuultannori kayinni ba'anno. Galgalaho woraamma kakkalote shiqishshanno. Kakka'litanno darguwa kayinni hiiqqaqqante loosu mereero kinnate duuno ikkite gattanno» yii.

IYUEELI 3:1

«Hatte yannara, Yihudunnitanna Yerusaalamete qafado qoleemmo.

ZAKKAARIYAASI 1:8

Mittu sokkaasinchi duumo farashsho gulufe nooha afoommo; isino lagichu giddo uddote haqqe mereero uurre no; isira badheenni duumu, hamarunna waajju faradi uurre no.

KIIRO 24:4

Ani Maganu yaannore macciishsheemmo; albasiinni gombisame hee'reenna, Wo'manka Dandaanno Magani ajuuja uyinoe.

MAATEWOOSI 1:20

Konne coye wodanaho wodhe hee'reenna, Mootichu sokkaasinchi haaqeete leelle, «Daawiti Beetto Yooseefi, ati huucci'roottoti Maariyaami godobbinohu Qullaawu Ayyaaninniitina ise adha waajjitooti.

MAATEWOOSI 2:19

Heeroodisi reyihu gedensaanni, Mootichu sokkaasinchi Gibitsete gobbara noohuwa Yooseefiwa haaqeete mare,

MAATEWOOSI 23:31

Himanaano shituri ooso ikka'ne ki'ne umi'ne farcidhinoonni.

MAATEWOOSI 23:34

Kuneeti ani himanaano, egennaammanna rosiisaano ki'newa soyemmo. Insa giddonni mito mito shitinanni; mito suttinanni; mito xaadu mini giddo gantinanni katamunni katama shorritinanni.

MAATEWOOSI 23:37

Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

MAATEWOOSI 27:19

Hakkunni gedensaanni Philaaxoosi yoote barcimira ofolle hee'reenna galtesi, «Isinni kainohunni ani ankarro haaqeete lowo geeshsha qarramanni galoommana, kunni keeraanchu manchi aana mittoreno assitooti!» yite sokka sokku.

LUQAASI 1:11

Maganu sokkaasinchi hixaana giirranni dargira qiniiteenni uurre Zakkaariyaasira leelli.

LUQAASI 1:22

Zakkaariyaasi Qullaawu Mininni fuli yannara mannu ledo coyi'ra didandiino. Kunnira insa Qullaawa Mine ajuuja leeltinosita affu. Isi afuunni coyi'ra hoogino daafira angatenni malaatisanni kulinsa. Hakko garinni danqicha ikke keeshshi.

LUQAASI 20:6

‹Mannuwiinniiti› yinummoro, mannu baalu Yohaannisi himana ammananno daafira, kinnatenni awwaalannonke» yitu.

SOQQAMAASINETE LOOSO 10:11

Ajuujatenni gordu fa'nameenna mittu hala'ladu hocci shoole maddenni uullara dirranna afi.

SOQQAMAASINETE LOOSO 10:17

Pheexiroosi ajuujate tiro afara quqquxamanni hee'reenna, Qornelewoosi soyi manni Pheexiroosi mine xa'misiisse iillite marte nafara uurrite no.

EFESOONI SOKKA 4:11

Isi mito mito soqqamaasine, woloota himanaano, mito mito Dancha Duduwo kultannore, woloota qole ammanaano allaaltannorenna gamisoota rosiisaano ikkitanno gede assino.

MARRO 18:15

Magani'ne Kaaliiqi roduuwi'ne giddonni ane gedee himanaancho kayisanno'nena isi yaannota macciishshe.

MARRO 18:18

roduuwinsa giddonni ate gedee himanaancho kayiseemmo; coyi'rannoha qaale'yano eemmosi. Ani hajajoommosire baala mannaho kulanno.

IBIRAAWOOTA 1:1

Maganu bi're alba addi addi doogonni himanaanote widoonni qole annuwankera batinye hige coyi'rino.

YOHAANNIS AJUUJA 11:10

Kuri lamenti himanaano baattote noo manni aana lowo qarra abbitino daafira, mannu insa reyora hagiidhanno. Hagiirru jila ji'lanno; mimmitohono afansha uyi'ranno.

YOHAANNIS AJUUJA 11:3

Lamunku farci'raasine'ya xiddu uddano uddidhe, 1,260 barra sokka'ya kultanno gede soyemmo» yinie.

UMI SAAMUEELI 28:6

Isino ma assa hasiissannoro Kaaliiqa xa'mi'ri. Kaaliiqi kayinni haaqeete woy Uriiminninna Tumiiminni woy himanaanotenni didawarinosi.

UMI SAAMUEELI 3:15

Saamueeli sooda geeshsha goxe keeshshi. Goxinowiinni kae Kaaliiqi mini cufanna fani. Waajjino daafira afino ajuuja Eelira dikulino.

UMI SAAMUEELI 3:21

Kaaliiqi albinte gede Seelora daye Saamueelira qaalisi widoonni isonoo egensiisa diagurino. Saamueeli coyi'rino qaalino Israeele baala iilli.