KIIRO 11:23 - Qullaawa Maxaafa

²³ Kaaliiqino, «Halaalinta ane Kaaliiqi wolqa hanqatateni? Yoommo coyi ikkannotanna hoogannota afattona agari» yiisi.

KIIRO 11:23 ပူးပေါင်းရင်းမြစ်များ

KALAQAMA 18:14

Halaalinta ani Kaaliiqi dandeemmokkiri nooni? Daanno diro techonte gede atewa higeemmo; Saarano qaaqqo afidhanno» yiisi.

LAYINKI MOOTOOLLA 4:43

Soqqamaanchuno, «Tenne shiima sagale 100 mannira hiitto asse iillisheemmo?» yee xa'mi. Elsai daware, «Kaaliiqi, ‹Mannu ite duuweenna gattanno› yee kulinoena, itona uyi» yii.

LAYINKI MOOTOOLLA 7:2

Hakko mereero mootete gamba yiino amaalaanchi Elsaira, «Kaaliiqi gordu waalcho fane gide xeenimma dirrisiro nafa kuni ikkara didandaanno!» yii. Elsaino, «Kuni coyi ikkanna illekkinni la"atto. Ati kayinni mittoreno suumekkinni dikisatto» yiisi.

FAARSO 78:41

Marro higge Magano jiffinosi; Israeelenniha Qullaawa Magano aarsitinosi.

FULO 6:1

Kaaliiqino Musera, «Feriooni asseemmota la"attona agari; manna'ya baxikkinni aguranno; iso giddeesse, manna'ya gobbasinni rahe ha'risanno gede asseemmo» yiisi.

ISAYAASI 50:2

Dayummo woyite ki'ne dargaho mayira hooggini? Woshshummo yannara yee yaannohu mayira hoogi? Ani gatisa didandeemmoho? Gatisate wolqa dinoeni? Ani rufummoro baaru moolanno; ha'ranno waa moola baattora soorreemmo; qulxu'mu waa hooge ree bowanno gede asseemmo.

ISAYAASI 59:1

Kaaliiqi anga gatisate dihara'mitino; maccasino macciishsha digibbino.

ERMIYAASI 14:9

Gara hawino manchi gedenna, kaa'lara dandaannokki olamaanchi gede mayira ikkitto? Kaaliiqa! Ati ledonke noottona, ninkeno mannakkiitina agurtootinke.

ERMIYAASI 32:17

«Kaaliiqa Mooticha'ya! Ati jawa wolqakkinninna jawaata cigilekkinni gordonna baatto kalaqootto; ati dandaattokkiri horonta dino.

ERMIYAASI 32:27

«Mannu baalu Magani ani Kaaliiqaati; ani dandeemmokkiri horonta dino.

HIZIQEELI 12:25

Ani Mootichu Kaaliiqi hedoommore coyi'reemmo; coyi'reemmo qaali baalunku wo'manno. Kunni ka'a horonta dikeeshshanno; ki'ne haxawarrootu aana, abbeemmo yee qorophisiisoommore baala yanna'nera wo'manno gede asseemmo. Konne coye coyi'roommohu ani Mootichu Kaaliiqaati» yiie.

HIZIQEELI 24:14

Ani looseemmo yanna kuneeti daggino; cubbokki lashshi asse dilaeemmo. Mararummokkinni assootta bunshe baalate qorichisheemmohe. Konne coye coyi'roommohu ani Mootichu Kaaliiqaati» yii.

DAANIEELI 6:20

Hakkiira iille dadillaamu qaalinni, «Heeshshote Magani soqqamaancho Daanieeli! Barru baala ammanamatenni soqqamattosi Magani doobbiyu afiinni gatisahera dandiinoni?» yii.

MIKIYAASI 2:7

Israeelete gosa rumantinore labbuhe? Maganuno cincannokkiha lawihe? Togoo coye isi assannoni? Woyyino looso loossannori baalunkura Kaaliiqi dancha coye diassannonsa?» yii.

KIIRO 11:22

Mageeshshi ge'reewonna mageeshshi lalo gorrineenna ikkanno? Baaru qulxu'me baala gamba assinoommero nafa ikkannoni?» yii.

KIIRO 23:19

Maganu mannu gede dikaphanno; mannu gede coyi're digaabbanno. Uyino hexxono wonshanno; coyi'rinore baala assanno.

MAATEWOOSI 19:26

Yesuusi insa widira hige lae, «Konne coye mannu didandaanno. Maganu kayinni baalankare dandaanno» yiinsa.

MAATEWOOSI 24:35

Gordunna baatto sa'anno; qaali'ya kayinni disa"anno» yii.

LUQAASI 1:37

Maganu dandaannokki coyi dino» yiise.